قلوا أدبهم ع الست الكبيرة| سيدة في منشور صادم عن ضرب ممرضات قويسنا

لا تزال واقعة اعتداء أهل مريضة علي الطاقم الطبي والتمريض والعمال في مستشفى قويسنا المركزي في محافظة المنوفية تثير الرأي العام والغضب بين الجميع.
تداول عدد من الأهالي فيديو يوضح اعتداء أحد المواطنين علي التمريض بمستشفى قويسنا المركزي بالضرب المبرح والسب وكذلك خطف تليفونات الممرضات لمنعهم من تصوير اعتدائهم عليهن.
أهل مريضة يعتدون على الأطقم الطبية باثنين من مستشفيات المنوفية
مواطنون يعتدون على ممرضات مستشفى قويسنا المركزي في المنوفية بالضرب.. فيديو
وكشفت فاطمة السد العالي شقيقة زوج المريضة والمتهمون بالاعتداء علي الطاقم الطبي والتمريض بمستشفي قويسنا، تفاصيل الواقعة في محاولة للدفاع عن أنفسهم، قائلة عبر صفحتها علي موقع التواصل الاجتماعي الفيس بوك " احنا جايين نسعف مريضه هنجيب آلات حاده معانا ليه، مستشفي قويسنا بيعامل الناس بكل استهتار ولامبالاه وقلة ذوق وعادي يقولك ما تموت نعملها ايه وكل الممرضين زعلانين من رد فعل اهل مريضه بتموت ويقولوا زميلنا متضربش بس عادي واحده تموت في داهيه ويقلوا ادبهم علي ست كبيره فوق ال 60سنه ويمدوا ايدهم عليها وضربوها بالقلم وزقوها ع الأرض على ضهرها".
وتابعت " علشان الفيديو مش متصور فا الناس مش فاهمه حاجه وطلبنا بتفريغ الكاميرات المستشفى وكله هيوضح والناس تقولهم الحاله بتنزف وبتموت يردوا بكل برود نعملكوا اي مفيش دكتره دلوقتي وللعلم انا اللي كان بيكلم اهل المريضه بتوع النظافه مش التمريض وهما اللي ابتدوا بالتعدي علي الست الكبيره ولولا عيالها لاكانوا موتوا الست الكبيره من الضرب ، مفيش اى كرباج والله العظيم دا سلك كان مربوط بيه الكرسى ".
وأشارت قائلة " المريضه سقطت والله العظيم وضربوا المريضه وسببولها ف انفصال ف المشيمه ودخلت ف غيبوبه ودلوقتى ف حاله حرجه جدا.
عاوزين رد الفعل يبقى عامل ازاى ولا كان فى كرباج ولاصاعق كهربا والله العظيم عاملين النظافه هما البيضربوا يجمااااعه والممرضين والله العظيم".
مستشفي قويسنا المركزي شهدت اعتداء بالضرب علي الممرضين والعمال من قبل أهل مريضة حيث تدوال فيديو يظهر فيه الاعتداء علي الممرضات ومحاولة خطف هواتفهم المحمولة.
فيما اكد شاهد عيان داخل مستشفي قويسنا المركزي أن أهل مريضة كانت تعاني من نزيف اصطحبوها الي المستشفي وطالبوا باستدعاء الطبيب المختص فأخبرهم الممرضين باستدعاءه ولكن سادت حالة من للغضب ادي الي مشاجرة داخل المستشفي اعتدي من خلالها أهل المريضة علي الطاقم الطبي والتمريض.
فيما أكدت الدكتورة رشا خضر وكيل مديرية الصحة بمحافظة المنوفية أنه يتم التحقيق في الواقعة في النيابة والأمر قيد التحقيقات.
ا