هاني شاكر يكتب نهاية حسن شاكوش.. ونجم المهرجانات يتحدي: هانزل أغنيات جديدة

"بناقص حسن شاكوش".. بهذه الجملة حسم نقيب المهن الموسيقية هاني شاكر، الجدل المثار حول عودة المغني الشعبي حسن شاكوش للغناء، بعد توقيفه من قبل نقابة المهن الموسيقية على خلفية مشكلته مع رضا البحراوي قبل حوالي شهرين.

هانى شاكر يعلن انتهاء مسيرة حسن شاكوش .. ويؤكد : بناقص
أول تعليق من حسن شاكوش بعد منع نقابة الموسيقيين له من الغناء | فيديو

كلمة النهاية في مسلسل شاكوش
وأعلن الفنان هاني شاكر، عن انتهاء مسيرة حسن شاكوش الفنية نهائيا، مضيفا: "الغلط اللي غلطه ده أنا وكل المجلس معايا سحبنا ترخيصه تمامًا ونهائيا بدون رجعة، لأن احنا مش ناقصين في الوسط الفني هذه النوعية الغريبة من الفن.. بناقص حسن شاكوش".
فيديو جراف.. إيقاف نهائي.. كواليس خناقة حسن شاكوش ورضا البحراوي في الساحل
فيديو جراف.. كواليس خناقة حسن شاكوش ورضا البحراوي في الساحل الشمالي

أغنية إباحية
تحدث هاني شاكر، عن مشكلة شاكوش مع رضا البحراوي، وغنائه أغنية إباحية على المسرح ردا على استفزاز الأخير له قائلا: "المشكلة كبيرة وخطيرة للغاية، ولم تحدث على مسرح أي فنان مصري أو عربي، مضيفا: "ميصحش أطلع أغنية إباحية على المسرح وأخلي الجمهور يشاركني، وأغلط في فئة مهمة من الموسيقيين وهي فئة الطبالين"، مشيرا إلى أن كل من حسن شاكوش ورضا البحراوي استسلما للعند والكبر على المسرح، وهذا الأمر غير مقبول.
نقابة الموسيقيين: قرار إيقاف حسن شاكوش نهائي ولا رجعة فيه
حقيقة ملاحقة عمر كمال بعد تعاونه مع حسن شاكوش

القرار نهائي
منصور هندي
وقال منصور هندي، رئيس لجنة العمل بنقابة الموسيقيين، إن قرار سحب ترخيص الغناء من حسن شاكوش، نهائي طبقًا لقرار نقيب الموسيقيين هانى شاكر ومجلس النقابة، مؤكدًا أن حسن شاكوش حاول التصالح مع النقابة ولكن قرار سحب ترخيصه نهائي.

شاكوش: مقدرش أغلط في الطبالين
وبرر مطرب المهرجانات الشعبية حسن شاكوش، موقف إساءته للفرق الموسيقية، في بث مباشر عبر حسابه الشخصي بموقع فيس بوك،
وقال: "انا مقدرش أغلط في الفرق الموسيقية، اسألوا أي فرقة أنى مقدرش أغلط في أي حد منهم، أنا طلعت مع كل فرق مصر"، مضيفا: "أنا بقول للناس أنا عمري ما أغلط في أي عازف، ولا عمري ما أغلط في أي طبال، ولا أي بتاع مزيكا، لانهم إخواتنا وحبايبنا، انا عامل اللايف ده علشان اوضح وجه النظر، دى أول غلط ليا من ساعة ما دخلت المجال".
وتابع شاكوش: "أنا ورضا وفرقة رضا البحراوي أخوات وحبايب، أنا اشتغلت مع فرقة رضا أكتر من 10 مرات وهما أخواتي واسألوهم، وعمري ما زعلت حد من الفرق الموسيقية، وليهم كل الاحترام والتقدير، أنا بتأسف لكل الفرق والطبالين والعازفين، نقابة المهن الموسيقية على راسنا من فوق، وأي قرار على راسنا من فوق وانا راضي بيه وكل تأخيره وفيها خيره إن شاء الله".

خطط شاكوش بعد الايقاف
كشف شاكوش عن خططه للعمل بعد قرار نقابة الموسيقيين بمنعه من الغناء نهائيًا، حيث أوضح أنه لم يسمع بتصريحات هاني شاكر.
وقال شاكوش، في مداخلة هاتفية مع الإعلامي عمرو أديب: "ناس قالولي قرار هاني شاكر، أنا مشفتوش ومسمعتوش، هو يقول اللي هو عايزه، أنا مليش شغلانة تانية، ده أكل عيشي والفن اللي بقدمه لجمهوري والملايين اللي بتسمعني، أنا مليش شغلانة تانية".
وردًا عن سؤال حول تقديمه أغاني تحتوي على ألفاظ إباحية، قال: "هي المشكلة كانت مع رضا البحراوي بس، ودي مشكلة راحت لحالها، ورضا نزل الشغل ودي أول مشكلة ليا، وأنا كان عندي حفلات بره مصر في الإمارات، ولسة راجع من تونس، وعندي حفلات تانية برة مصر، ومشتغلتش في مصر لأني محترم قرار النقابة، لكني ملتزم بجدول حفلات بره مصر".
وتابع "أنا قلت الفترة الجاية رضا هايشتغل وهاخد إجراء اقعد مع مسئولي النقابة ونتكلم، وبتصل بكذا حد في النقابة علشان نحل بس هما محدش رد عليا بمعلومات كافية، وأنا عايز ارجع اشتغل في بلدي مينفعش أبقى بشتغل بره مصر بس"ْ مختتما: "لما أكون موقوف في بلدي بيبقي الواحد ملوش نفس للشغل ولا عمل أغاني، بس أنا الفترة دي بسجل أغاني وهانزلها الفترة الجاية، ما أنا مش هاقعد في البيت لا بسجل أغاني ولا بنزل شغل".


موقف عمر كمال من شطب شاكوش
قال علاء عامر المستشار القانوني لنقابة المهن الموسيقية، إن حسن شاكوش ليس عضوًا بالنقابة، وبالتالي النقابة تمنع المتعهدين وأعضاء النقابة من التعاون معه، مؤكدًا أنه في حالة تعاون حسن شاكوش، مع عضو من أعضاء النقابة سيعرض العضو للمساءلة.
جاء رد عامر، تعليقًا عن نشر عمر كمال صورة مع حسن شاكوش توحي بأن هناك عملا جديدًا يجمعهما، وأشار المستشار القانوني لنقابة المهن الموسيقية، إلى أن كمال سيعرض نفسه في حالة تعاونه مع شاكوش للمساءلة، التي تبدأ باللوم ولفت النظر وقد تصل للشطب.