مي كساب عن طلاقها: زهقت منكم اتقوا الله.. أنا عندي 3 عيال

نشرت الفنانة مى كساب،، تعليقا عبر حسابها على موقع التواصل الاجتماعى تويتر، ترد فيه على الشائعات التى خرجت منذ قليل عن طلاقها من زوجها المطرب اوكا.

وقالت مى كساب: "بطلوا رخص بجد فشله لو كلفتو نفسكم وقريتو البوست بتاعي هتلاقوني كاتبه أهم نعم جاتلي في الدنيا جوزي وأولادي ربنا يشفي بجد أنا تعبت من تدخل الصحافه في الحياه كده وترويج إشاعات أكتر #نقيب_الصحفيين إحنا محتاجين قانون صارم عليهم إحنا بني آدمين برضه وعندنا أولاد وأهل بيزعلو علينا إرحمونا".

وأضافت مى كساب: "زهقت منكم بجد مش عارفه عاوزين تطلقونا ليه يخرب بيت التريند ع الريتش اللي من يوم ما طلع ما شفناش خير.. اتقوا الله أنا عندي 3 عيال وأهل بيزعلوا علينا وجمهور ارقي منكم برضه بيزعل علينا ربنا يشفي بجد".
بطلو رخص بجد فشله لو كلفتو نفسكم وقريتو البوست بتاعي هتلاقوني كاتبه أهم نعم جاتلي في الدنيا جوزي وأولادي ربنا يشفي بجد أنا تعبت من تدخل الصحافه في الحياه كده وترويج إشاعات أكتر #نقيب_الصحفيين إحنا محتاجين قانون صارم عليهم إحنا بني آدمين برضه وعندنا أولاد وأهل بيزعلو علينا إرحمونا
— Mai Kassab مي كساب (@maikassab) November 1, 2021
زهقت منكم بجد مش عارفه عاوزين تطلقونا ليه يخرب بيت التريند ع الريتش اللي من يوم ما طلع ما شفناش خير اتقو الله أنا عندي 3 عيال وأهل بيزعلو علينا وجمهور ارقي منكم برضه بيزعل علينا ربنا يشفي بجد
— Mai Kassab مي كساب (@maikassab) November 1, 2021
حقيقة طلاق مى كساب
كشفت الفنانة مي كساب، عن حقيقة انفصالها عن زوجها مطرب المهرجانات أوكا.
وقالت مي كساب في تصريح خاص لموقع صدى البلد: "لم أنفصل عن زوجي، وهذه الأخبار عارية تماما من الصحة، مش عارفة أيه الناس دي".
وأضافت مي كساب: "الحمد لله نحن نعيش حياة هادئة برفقه أولادنا، وأنا وضحت أمس سبب حذفي لصوري مع عائلتي".
مي كساب وكورونا:
وأعلنت الفنانة مي كساب عن شفائها من فيروس كورونا المستجد، وعبرت مي كساب عن صعوبة تلك الفترة في حياتها، وكونها من أصعب الفترات التي مرت علي حياتها منذ 11عام مضت.
ونشرت مي كساب صورة من حكاية "عقبال عوضك"من مسلسل "زي القمر"، وعلقت مي كساب: "الكام يوم اللي فاتو كانو أطول مده أقعدها لوحدي في حياتي وبأعترف شفت الحقيقه الكامله حقيقه نفسي حقيقه كل حاجه حواليه وعرفت قيمه كل حاجه وندمت علي كل لحظه ظلمت فيها نفسي أو ظلمت حد من اللي بأحبهم وبيحبوني".
وأضافت مي كساب: "اللي بتكتب دلوقتي مي بس بتاعه 2010 بس بمخ العشرين سنه اللي إشتغلت فيهم ونجحت وأخفقت بسبب ظروف وأوضاع إتفرضت عليه بس الحمد لله راضيه تمام الرضا علي كل إبتلاء وكل مشكله إتحطيت فيها لأن في الآخر ربنا سبحانه وتعالي كان بيحلهالي في الاخر عشان أقدر نعمه".
بعد حذف صورهما.. مي كساب تكشف حقيقة الانفصال عن زوجها أوكا "خاص"
عقب تعافيها من فيروس كورونا.. مي كساب: أطول مده أقعدها لوحدي
وأكملت مي كساب: "أنا عدي عليه 11 سنه صعبين جدا يمكن القريبين مني عارفين أنا إستحملت إيه وواجهت إيه أنا مسحت كل لحظه مش عاوزه أشوفها تاني عشان بتفكرني إني كنت مش أنا وسببت كل لحظه وكل صوره بتعبر عني وعن اللي جوايا وعن أكتر حاجات مأثره جوابا كفتانه وكإنسانه ومسحت كل صوري العائليه ولو إن دي مش أنا لحد ما أرجع أنا وأسجل لحظاتي الحلوه مع عيلتي الجميله أكبر نعمه من رب العالمين".
وأوضحت مي كساب: "جوزي وأولادي وأهلي وأصحابي وزملائي رفاق الرحله الأوفياء الصادقين السند والضهر اللي خلاني أعرف أعدي ال 11 سنه دول بأعترف #عقبال_عوضك كان عوضي الفني والإنساني بعد صبر 11 سنه حبيت أفضفض معاكم وأطلع اللي في قلبي عشان دي أنا بأحكي اللي جوايا عشان نيتي بتكون إن اللي مريت بيه يكون مفيد لغيري ويتعلم منه حاجه تأثر فيه وتغيره للأحسن".
وأنهت مي كساب منشورها كاتبة: "أنا هأرجع أنا وهأحارب وأقاوم كل روح شريره وكل طاقه سلبيه أثرت عليه في السنين اللي فاتت وربنا يقدرني وأكون إنسانه صالحه وفنانه صاحبه رساله وأكون خير في الدنيا بحبكم من قلبي وحقيقي حبكم ليه هوه الحياه".