العزاء واجب والفرح كمان.. تعليق قوى من هالة صدقى على أزمة الفنانات بسبب سمير غانم

نشرت الفنانة هالة صدقى تعليقا جديدا عبر صفحتها على موقع التواصل الاجتماعى فيسبوك تدافع فيه عن الفنانات اللاتى حضرن حفل زفاف عقب ساعات من جنازة الفنان سمير غانم.
وقالت هالة صدقى : زي ما العزاء واجب الفرح كمان واجب ،الفرح يوم في العمر وخصوصا لو حد عزيز عليه جدا ومنتظر اشاركه اللحظه دي ،المعروف جدا أن اي فنان وأولهم الراحل الفنان سمير غانم كان بينزل يعرض ويضحك ويسعد جمهوره لكن قلبه من جوه كله حزن وأكبر مثال العظيم عادل امام دفن مصطفي متولي صاحبه وجوز أخته الظهر ونزل يعرض بليل وبما بعد ما نزلت الستاره انهار ،ومش عادل بس لا في غيره وغيره وغيره .
واضافت هالة صدقى : للاسف الفنان بيبقي مطلوب منه فوق طاقته وأصحابه وحبايبه منتظرين منه اكتر ،عمر الحزن ما كان بلون الاسود او البكاء ،ولاد سمير النهارده لابسين ملون علشان مامتهم ما تعرفش باللي هما فيه هل ده معناه انهم مش زعلانين ومقهورين علي باباهم ،وهي قدرات ممكن حد يقدر يتغلب علي أحزانه وناس لا.
واوضحت هالة صدقى : وعلي فكره أنا مكنتش معزومه علي الفرح اللي زملائي كانوا فيه ،كنت معزومه في فرح تاني خالص والنهارده كمان كان عندي فرح حد من أعز أصدقائي ،كلنا عارفين الأصولل ان لما حد يموت نقفل التلفزيون وبلاش مزيكا وحاجات كلنا عارفينها، لكن للأسف في ظروف خارجه عن الإرادة وبدل ما نحاسب البشر واحنا عندنا رب هو المسئول عن اللي في القلوب ،ندعي للزميله والاخت العزيزه دلال ان ربنا يقومها بالف سلامه وترجع لبيتها وولادها وتتحمل فراقها لحبيب عمرها شكرا لتفهمكم.
هالة صدقى تكشف تفاصيل حضور الجنازة
وكانت كتبت الفنانة هالة صدقي، منشورا لها عبر حسابها الشخصي على موقع التواصل الاجتماعي فيسبوك، علقت من خلاله على جنازة النجم الكوميدي سمير غانم، التي شُيعت أمس الجمعة 21 مايو.
سيبت الفرح من أجل العزاء.. تعليق مثير ل هالة صدقي على وفاة سمير غانم
محضرتش أفراح | إلهام شاهين تكشف حقيقة حضورها فرح يوم جنازة سمير غانم
وشاركت هالة صدقي، منشورها عبر فيسبوك، وكتبت فيه: «انا اريد وانت تريد والله يفعل ما يريد ،نزلت من دبي لحضور فرح روحت العزاء واعتذرت عن الفرح، وكما هو معروف في الوسط الفني ان الفنانين العظماء دول كانوا لا يمكن يسيبوا اي واجب سواء عزاء او زياره مريض ، وفِي يوم سألت رجاء يا رجاء انتي ليه بتروحي لكل من هب ودب حتي لو علاقتك بيهم مش قويه وتتعبي نفسك مع ناس ما تعرفيهومش ،كانت تقولي علشان في عزائي عايزه الدنيا كلها تقف مع اميره بنتي ويبقي عزاء كبير».
وتابعت هالة صدقي: «وتتركنا رجاء في ظروف الكورونا وخلسه أصدقائها المقربين جدا هما بس اللي يروحوا عندها يعزوا نفسهم ويعزوا اميره بنتها ،ودلال حضرت عزاء مصر كلها واهم عزاء لها حبيبها وجوزها وعشره عمرها ما تحضر العزاء ولا عارفين رد الفعل لما تعرف بخبر شريكها في الحياه ،وانها الوحيده اللي ما ودعتهوش ،اوعي تحسبها ابدا سيبها علي ربنا واللي رايده هيكون ،الإنسان مسير وغير مخير ،الله يرحمك يا مبدع ويصبر بناتك وحبايبك».
منشور هالة صدقي، جاء بعد حالة الجدل التي أثيرت على فنانات حضرن حفل زفاف بعد ساعات من جنازة سمير غانم، وظهرت في حفل الزفاف وهم يتراقصون، ويتناسون مشاعر الحزن على زميلهم الراحل، ومن أبرز هؤلاء الفنانات: «يسرا، لبلبة، ليلى علوي، نجلاء بدر، إلهام شاهين، نيللي كريم، ياسمين صبري وزوجها رجل الأعمال أحمد أبو هشيمة»، وآخرون.