بعد انفصالها عن محمود حجازي..أسما شريف منير : اللي جاي كله خير

شاركت الإعلامية اسما شريف منير متابعيها عبر حسابها بموقع التواصل الاجتماعي انستجرام صورة لطفلتها عقب انفصالها عن زوجها الفنان محمود حجازي .
وعلقت اسما قائلة " ‬‪حبيبتي وبنتي و مشواري ورحلتي وعوض ربنا..."إن الذين قالوا ربنا الله ثم استقاموا فلا خوف عليهم و لا هم يحزنون" اللي جاي كله خير ان شاء الله ".
كان صدى البلد، قد علم ، أن الفنان الشاب محمود حجازي انفصل عن زوجته الإعلامية أسما شريف منير نجلة الفنان شريف منير.
وألغت أسما متابعة محمود حجازي على انستجرام ؛ ليرد الأخير ويلغي متابعته لها هو الآخر.
وكتبت «أسما»، من خلال خاصية ستورى عبر حسابها ب«إنستجرام»: «صدمات كتير فى حياتى الفترة دى والحمد لله اكيد خير طبعا».
واضافت: «بس حقيقى من اصعب الفترات اللى عديت بيها ولسه بعدى بيها ،كذا شخص اكتشفت حقيقته واتصدمت فى ناس قريبة اوى اوى ليا مع انى عمرى ما اذتهم لكن هما اذونى بكل سهولة».
وتابعت:"للأسف البرنامج اللى فى رمضان اتلغى وده خارج عن ايدى وغصب عنى ،كنت متحمسة جدا انى اخيرا هعمل برنامج فى المطبخ لانه من ضمن احلامى"
واختتمت اسما شريف منير:" بس انا عندى ثقة فى ربنا انه هيعوضنى خير عن كل حاجة انا مريت بيها ولسه بمر بيها لانه عارف نيتى ومطلع على قلبى ..بحبكم واسفة انى طولت عليكم"
واعلنت أسما شريف منير بشكل رسمى انفصالها عن الفنان محمود حجازى عبر صفحتها على موقع التواصل الاجتماعى فيسبوك.
وقالت أسما: "يا ريت بعد إذنكم تحترموا خصوصية الموقف من غير شائعات ولا اجتهادات ولا أسئلة محصلش نصيب بكل احترام ونقطة".
واضافت : "ربنا يكرمنا إحنا الاثنين.. بس كده مفيش أى تفاصيل تانية للصحفيين بعد إذنكم.. إحنا كان فى بينا عشرة وعيش وملح فأكيد مش هنتكلم عن تفاصيل بيتنا".
يذكر ان الثنائى احتفلا بزواجهما في 8 سبتمبر عام 2018 دون الإعلان عنه، الأمر الذي فاجأ العديد من جماهيرهم، فعلق العديد منهم قائلين: "غفلونا".