كنت حمار.. عمرو سلامة يتراجع عن آرائه الداعمة للحرية الجنسية

تراجع المخرج عمرو سلامة عن تصريحاته التي قالها عام 2014 الداعمة للحرية الجنسية، حيث كان يرى أنها السبيل في انخفاض عدد المتحرشين في مصر.
وكتب عمرو سلامة عبر صفحته بموقع فيس بوك قائلا: "في بوست قديم ليا من 2014 كتبته في لحظة غضب بعد حادثة تحرش كبيرة، وكان كمان في شكل تساؤل مش رأي قاطع، وكنت أتساءل لو الكبت الجنسي هو سبب التحرش وحلول ده ممكن تكون إيه، بيتم نشره دلوقتي واعادة تدويره كإثبات من منطق: "بصوا!!! أهه الشخص اللي بيهاجم آراء الشيوخ".
رانيا يوسف.. كثير من التريند قليل من الفن
وأضاف: "بعيدا إني غيرت آرائي طبعا في خلال الست سنين دول، وخصوصا في الموضوع ده، بس لو حتى ده مازال رأيي، ماشي، أنا زنديق، وآرائي شاذة، واللي يعرف أبويا يروح يقوله، أنا لا لابس عباية ولا عندي منصب في مؤسسة دينية، ومش بتكلم بالدين والشرع كإني واخد تفويض من ربنا علشان أبرر -أو أسبب- لمعتدي وحشي أعماله الإجرامية".
وتابع: أنا إنسان عيسوي فنان بوهيمي يفعل ويقول ما يحلوا له، بقول كثير آراء وبتتغير، وبعترف إني ساعات أنا شخصيا كنت حمار، وكل يوم بتعلم، وكل ما يعدي كام سنة وأشوف آرائي القديمة أستتفها، وده بيبسطني جدا لإنه معناها إني إتعلمت أكثر، وأتمنى أفضل أتعلم، من أي حد مهما كان.
في بوست قديم ليا من 2014 كتبته في لحظة غضب بعد حادثة تحرش كبيرة، وكان كمان في شكل تساؤل مش رأي قاطع، وكنت بتساءل لو...
Posted by Amr Salama on Wednesday, July 8, 2020