فيديو.. خالد الجندي للمشاهدين: "احمدوا ربنا واسجدوا له شاكرين إنكم مش إخوانجية"

قال الشيخ خالد الجندي عضو المجلس الأعلى للشئون الإسلامية، إن الله سبحانه وتعالى خلق العقول درجات، متابعًا «هناك عقول مثل السمسمة، وهناك عقول كبيرة ومتزنة».
وتابع الجندي خلال حلقة برنامجه "لعلهم يفقهون" المذاع على فضائية "dmc" اليوم الاثنين: "إعلاميو جماعة الإخوان الإرهابية المحظورة زعلانين، إني بدعي يارب دخلني الجنة واحشرني مع الرئيس السيسي، بيتهموني إني بدعائي ده ضمنت الجنة".
وأكمل الجندي: "يا حسرة على الشهادات اللي خدوها.. دماغهم فيها زلابية.. لو ربنا كان رزقهم فهم، كانوا ممكن يتصوروا إن يارب دخلني الجنة معناها إني ضامن الجنة.. أنا لا ضامن الجنة ليا ولا ضامنها ليك ولا ضامنها لأهل الأرض كلهم".
واختتم: "احمدوا ربنا واسجدوا له شاكرين إنكم مش إخوانجية، كان زمان مخكم فيه زلابية".