طلب الرئيس عبد الفتاح السيسي من محافظ قنا اللواء عبد الحميد الهجان، منح الكلمة لأحد الشباب المشاركين في افتتاح محور طما. وسأل السيسي عن حال شبكة الطرق داخل المحافظة، قائلا: "بص يا أحمد أنا عارف إن شبكة الطرق داخل المحافظات تحتاج لرفع كفاءتها، وإلا أكون أنا مش واخد بالي، لأ أنا واخد بالي". فقال أحد الشباب المشاركين إن الطرق في محافظة قنا متهالكة، فقاطعه الرئيس السيسي قائلا: "متهالكة يعني عدمانة العافية". وأضاف الرئيس: "لا تتصور إن إحنا مش واخدين بالنا من الطرق الداخلية، لكن حجم المطلوب لرفع كفاءة هذه الطرق كبير للغاية، وحجم المطبات الصناعية اللي عاملاه الناس مؤذي ومعيق للحركة لأنه مبني بعشوائية". وطالب المحافظين بوضع خطة لرفع كفاءة الطرق، قائلا: "هتيجي تقولي أجيب فلوس منين، طيب أنا بجيب فلوس منين، إحنا مش بنعمل الطرق دي عشان معانا فلوس زيادة، لأ عشان ناخد مكاننا وسط الدول المتقدمة وزيادة الاستثمار ورفع الاقتصاد المصري".