التحكيم الدولى يرفض دعوى تركية ضد "نايل سات"

عاتب الرئيس عبدالفتاح السيسي، الإعلاميين، وطالبهم بتحري الدقة والصدق قائلا: "كل الكلام اللي اتقال من كل الحضور جيد، واستفدت منه..النبي محمد قال إن المرء يصدق ويتحرى الصدق حتى يكتب عند الله صديقا".
وأضاف "السيسي"، خلال كلمته بالمؤتمر الوطني الأول للشباب، المنعقد اليوم الأربعاء: "تصوروا أنا بقالي رغم المنصب اللي أنا فيه عمري ما تحدثت معاكم بأي شكل من الأشكال غير الصدق ولم أجد إشكالية في ذلك أن أكون صادقا أو أمينا أو متجردا".
وتابع، موجها حديثه للإعلاميين: "حضرتك بتطل على الناس بيشوفك الطفل الصغير.. خلي بالك ستحاسب أمام الله ليس فقط على المهنية ولكن على الكلمة المسيئة، ستحاسب امام الله أنك طرحت كلمة سمعها فلان وعلى أساسها والكذب"، مُضيفًا:" اللي احنا فيه ده تجربة من أول 2011 حتى اليوم، وستأخذ مداها"، مُضيفًا:" مستعد أجيب ليكم الجرايد بتاعت أي يوم والقنوات.. أنا بتابع وبقرأ الكلام المكتوب عشان أشوف انتو شايفيين مصر ازاي بتقدموا مصر.. إزاي انتوا بتضروا مصر جامد جدا من غير ما تقصدوا.. أنا بكلمكم كمسئولين عن بلد مش عن رأي عام بس قولتلكم قبل كده انتم مسئولين عنها معانا".
واستطرد: "انتو حطتوني على جنب أنا معاكم وانتو معانا"، مُضيفًا:" كان أحد أسباب زيادة سعر الصرف ما يكتب في الجرائد على أنها تحليلات، وهناك دول فقدنا حميمة العلاقة السياسية معاهم نتيجة أخبار طلعت من عندنا.. توقفوا كثيرا هل تم توجيه أي حد لإعلامي أن هاجم الدولة الفلانية أو فلان".
واستكمل:"اقسم بالله أتمنى ألا يصدر لفظ مسئ واحد أو حركة داخل المجتمع لأي حد في العالم حتى لو كان يسئ لينا لأنه يعبر عن الشخصية المصرية، وكل ما تسئ لي كل ما يزيد اصراري علي العمل أكتر ، وكل مصري ما يردش لكن يصبر ويشتغل ويبني ويعمر عشان اللي يستقلنا مايستقلناش واللي مستضعفنا مايستضعفناش واللي شايفنا ظروفنا صعبة ما يشوفناش".