بالصور.. "وش السعد" يثير استياء رواد "فيس بوك" و"تويتر" من "محمد سعد"

شن رواد موقعى التواصل الاجتماعى "فيس بوك" و"تويتر" هجوما حادا على الفنان "محمد سعد" أو "بوحة" بعد لجوءه إلى الإسفاف والإيحاءات الجنسية أمس فى أولى حلقات برنامجه "وش السعد" مع الفنانة "هيفاء وهبى"، والتى أذيعت مساء أمس الجمعة على فضائية "mbc مصر" وأثارت استياء المشاهدين من كبار وشباب.
ودشن الرواد هاشتاج أطلقوا عليه "إحنا اسفين يا متحرشين، انتوا صح.. ودمكم خفيف زى محمد سعد فى وش السعد" للسخرية من البرنامج وإطلاق دعوات لمقاطعة قناة "mbc" عبر هاشتاج #مقاطعة_mbc_مصر.
وكان من أبرز الانتقادات لجوء "سعد" إلى تجسيد شخصية "بوحة" ضمن أحداث البرنامج وهو ما وضعه فى مأزق أمام جمهوره واتهموه بالإفلاس الفنى وعدم وجود موضوع يقوم عليه برنامجه، وقيمة يقدمها للمشاهدين.
كما انتقد الرواد حمل "سعد" لضيفة البرنامج "هيفاء وهبى" على المسرح فى نهاية الحلقة بشكل أثار الغرائز لدى المشاهدين خاصة وأنها ارتدت فستانا قصيرا اظهر مفاتنها وكان بمثابة دعوة صريحة للتحرش امام المشاهدين.
واشتعل "فيس بوك" بالتعليقات فقال "Hassan S. Nassar": "برنامج مفهوش اى محتوي إعلامي"، بينما "Mohamed Ashour" غرد قائلا: "والله الواحد لما بيكون عاوز يضحك بقعد أدور على المسرحيات الجميلة بتاعت محمد صبحى مافيش فيها أى هيافة وقلة ذوق وكلمات كلها زبالة للأسف ضيعوا الذوق العام للكوميديا عند الناس".
وقالت "Eman Alsawaf": "انا نفسى اعرف استفدنا ايه من هذا التحرش العلنى والسباب ويمين الطلاق عمال على بطال انا شايفة ان البرنامج ده تكملة لافلام السبكى وان بلاش قلة ادب وخراب لبلادنا وعقولنا ايه التدمير ده الناس دى حد مسلطها علينا ارحمونا بقي محمد سعد وزفت ماحدش بيفكر ابدا مافيش رقابة لا الفلوس عمت الكل"،
فيما قالت "Salma Esalama": "بصراحة فن هابط واسفاف وكلام كثير لايصح ان يقال للاسف انحدر الذوق العام فيه أطفال بتتفرج هما عاوزين ايه بالظبط ما كفاية علينا افلام السبكى كمان يعملوا برنامج مقرف فين الرقابة عماتا لنا الله".
وفى ذات السياق، قالت "Magda Hassan": "والله انا عن نفسي كنت بحب الفنان محمد سعد علشان كانت افلامه محترمه جدااااااااااااا لاكن للاسف الوضع اتغير معه ليه مش عارفه. ضيع احترامنا ليه"، أما "نغم فى حياتى" علق قائلا: "الناس دى مش عايزة تفهم ليه ان الاعلام هو واجهة وثقافة شعب وهو بيدل على عادات وتقاليد بلد بالكامل وان كانوا بيقدموا حاجة ايجابيه فهى للبلد وللشعوب وان كانت اشياء سيئة فهى بتخص البلد فقط اتقوا الله ف شبابنا وشعبنا وقدموا برامج هادفة تفيد البشر وتحارب السلبيات وتعمل على معالجتها وترفع وترقى الايجابيات ف حياتنا كفايه فقر وفساد وكمان اعلام مستفز ولا يفيد ارحمونا بقى شويه".
أما على "تويتر"، فغرد "@ahmedflifel" قائلا : "انامكنتش اعرف موضوع #وش_السعد ده بس شوفت صور مقززة ع التايم لاين لا تعبر عن شيء سوى مقدار التفاهة والرخص في عقول القائمين على البرنامج"، بينما "@onnoge" غردت قائله : " محمد سعد ضيع نفسه ، رغم ان افلامه القديمه كانت بضحكنى".
وعلقت "@merohassan3" قائله: "قناه مش محترمه وطالعه تهزء المصريين"، أما "@amira_eltoukhy" غردت قائلة: "نشر فكر التحرش في بيوت المصريين علي إيد محمد سعد الممثل العقيم فكرياً".
بينما "@Wagdy_RM " غرد قائلا: "محمد سعد كان اوفر اووى حتى الضحك من جمهور المسرح مكانشى كتير عشان اصلا مكنش فى حاجه تضحك"، فى حين قالت "@HebatElNiel " : "في توجه عام لتتفيه وتسطيح دور الفن والادب ومحاولات مستميته لجعل الذوق العام متدني.. إنما كمان يبقى بالشكل القذر ده! ده اسمه ايه؟".