بالفيديو.. تامر أمين ل"باسم يوسف": أنت لسانك طويل وإحنا مبسوطين ب"التعريض"

علق الإعلامي تامر أمين على المشادة التي وقعت بين الإعلامي باسم يوسف والإعلامي خالد أبو بكر في نيويورك قائلًا: "أنا عندي عتاب وإدانة، العتاب لخالد أبو بكر إن أنا في رأيي إنه مكنش يكتب على تويتر كده لأن هو ده اللي عايزه باسم يوسف، باسم كان بيتحرش بالمجموعة الإعلامية عشان يعمل كده".
واستكمل "أمين"، في برنامجه "من الآخر" على قناة "روتانا مصرية"، مساء الاثنين: "خالد أبو بكر قال إن هو عمل اللي طلبه باسم، لأنه طلب إن الرسالة توصل للإعلاميين وأنا وصلتها على تويتر".
وأضاف: "لكن الإدانة الكاملة لباسم يوسف، أنا مش عارف ليه باسم بيعمل كده، ده كان إعلامي مصري وكان ليه أشهر برنامج ساخر في مصر".
ووجه أمين حديثه ل"باسم يوسف" قائلا: "أنت لسانك طويل وإحنا مبسوطين ب "التعريض" لبلدنا وللسيسي وانا ماعنديش مشكلة انى اعرضها طالما فى صالح البلد وكمان أحسن ما اضيقها".