بالفيديو.. لصوص يسرقون زوار المسجد الحرام

نشر الإعلامي يوسف الحسيني في برنامجه"السادة المحترمون" مقطع فيديو تم تصويره بكاميرات المراقبة في المسجد الحرام، حيث قام أحد اللصوص بسرقة زوار المسجد وهم نائمون.
وعلق الحسيني على الفيديو قائلا: "يا نهار أبيض..أنت في المسجد الحرام يا راجل وبتسرق.. ناس بتسرق جوة المسجد.. يا نهار أبيض.. أنت ايه.. قلبك ده ايه يا أخي.. الناس نايمة جوة المسجد الحرام وجه اللص يسرقوهم وهم نايمين".
وأضاف تعليقا على الفيديو: "الكاميرا صورته فتم إلقاء القبض عليه فورا.. شئ غريب.. حد يدخل المسجد الحرام يا مفتري ويسرق الناس".
وعند إلقاء القبض على اللص علق الحسيني قائلا: "اتقفش الوحش ..هما شافوه على الكاميرا .. خليك زي ما انت.. اخدوه ولا كل "قفا ولا قلم على وشه" .. وأدي واحد كمان، فكروني بالمعلق الرياضي ماشي بالكورة.. يا قلبك يا أخي.. مافيش وازع ديني خالص.. طبعا ده عندنا في مصر بيترقع "علقة" الحرامي في الحارة السد".