هاشتاج "#يوم_بلا_فساد" مبادرة من الشباب للقضاء على الفساد فى الشارع المصري

دشن عدد من النشطاء هاشتاج اسموه " #يوم_بلا_فساد" على موقع التواصل الاجتماعى تويتر مبادرة منهم للقضاء على الفساد والواسطة والمحسوبيه فى المؤسسات الحكومية، واتفق الشباب ان يجعلوا هذا اليوم هو يوم الاثنين 23 يونيو القادم .
وجاءت تغريدات الشباب لتشجيع المواطنين فى اتباع القانون حيث كتبت الكاتبه الصحفية سحر الجعارة: " #يوم_بلا_فساد لا تدفع رشوة ، لا تخترق القانون، لا تكذب، لا تجرح من أحبوك"، وعلقت الاعلاميه ريهام سعيد قائلة: "لو لكل واحد بدأ بنفسه أولاً أكيد هيبقى #يوم_بلا_فساد".
وغرد الكاتب الصحفى نبيل شرف الدين: "اخطف رجلك لحد الشهر العقاري أو وحدة تراخيص سيارات في حي شعبي وليس المناطق الراقية وصور إللي بيحصل هناك خللي المسئولين يطهروها"، واضاف @Eng_Ahmed_Nagy: "مش عايزين حد ياخد رشوة ولا عايزين حد يتعين بالواسطة مفيش محسوبية البلد مش هتتقدم غير كده".
وفى نفس السياق قال @GenEslam : " نفسي ايامنا كلها تكون بدون فساد مش يوم واحد فيها ايه لما نمشي صح"، كما كتبت @amira5781: "حاول نرشد استهلاك كهربا، بنزين، مياه، لا رشاوي، احترام مرور، مترميش زباله في الشارع ,حاجات بسيطه جدا".
وعلقت @Mayaahmed2 : اليوم ده نجرب نعمل اى حاجه كويسة من غير ماتكرمش 20 جنيها في ايد حد يوم نمشي صح من غير مخالفة، واضافت @NoraShahien : " جرب كدة يوم واحد ماتشتمش... أنا عارفة أنه صعب بس حاول ، باستغرب أوي من الناس اللي بترمي الزبالة في الشارع و بعدين تضحك و تقول "النظافة من الايمان أرجوك متبقاش منهم".
كما كتب @mohamed56394382 : " مش هدفهع رشوة، ولو شفت متحرش هضربو وسلموا للشرطة"، كما قالت @raghdiahmed: #السيسى مدينى الطاقة والقوة دى وهبدأ بنفسي".