الرئيس السيسي من قناة السويس: هما دول المصريين اللي بيحبوا بلدهم

تفقد الرئيس عبد الفتاح السيسي مركز التدريب البحري والمحاكاة التابع لهيئة قناة السويس، واستمع الرئيس لشرح مفصل عن طبيعة العمل داخل المركز.
وأشاد الرئيس عبد الفتاح السيسي، بحب وحرص المصريين علي بلادهم، قائلا: "هم دول المصريين اللي حابين بلدهم وحريصين عليها.. مصر من دول كتير المفروض كان مصيرها مختلف، لكن بوعي وحرص وحب المصريين كانت النتيجة إن عبرنا أزمة كبيرة قوي.. أزمة مصر خلال 8 سنين اللي فاتوا".
وأضاف الرئيس السيسي خلال تفقده مركز التدريب البحري التابع لهيئة قناة السويس بمحافظة الإسماعيلية: "مهم قوي إن الدروس والعبر اللي الموجودة وتتحول إذا كان فيه مستلزمات ومعدات محتاجين تبقا موجودة عندنا بشكل مستمر، احنا لما كان بيتعرض خلال ال 3 و4 سنين اللي فاتوا الكراكات الكبيرة والقاطرات الكبيرة إنهم يدبروها، كنا بنقول إن ده حاجة في صالح العمل، يتم تدبيرها بغض النظر عن الظروف او التكلفة".
وأكمل الرئيس السيسي: الكراكة مهاب مميش واللي قبل منها دي كراكات عملاقة جاية علشان تساهم في قدرة الهيئة ومطالب العمل"، مضيفا: "كل المطالب اللي احنا محتاجينها علشان يبقا عندنا عناصر في ظل التطور اللي حصل في حركة السفن العملاقة، لو محتاجة معدات تانية علي طول فورا نتعاقد ونجيب ومفيش أي مشكلة إن شاء الله".