على صفحته الرسمية بالفيس بوك، أبدى أحمد المغير، الناشط الإخواني ورجل خيرت الشاطر، ندمه في بوست أسماه "أنا بعتذر". اعتذر فيه عن تصرفاته في المرحلة الماضية، واستبداله الميادين بطابور انتخابات -على حد قوله-، وأضاف "مش فارق معايا مرسي يرجع ولا الاخوان تحكم وانما يفرق معايا بس ثورة اتخطفت".
غرد المغير باعتذاره على تويتر، مما أثار الغضب والسخرية وعدم التصديق في آن واحد، وأعلن البعض أن اعتذاره غير مقبول بعد كل الدماء التي أريقت في مصر على يد الإخوان المسلمين.
كتب المغير: أنا بعتذر...
أيوة بعتذر عن كل لحظة أيدت فيها شرعية المؤسسات على شرعية الشارع
أيوة بعتذر عن كل لحظة موقفتش فيها جنب اللي بيموت في الشارع وأعدت أنظر وأبرر
أيوة بعتذر عن كل لحظة سبت فيها المياديين واستبدلتها بطابور انتخابات قبل ما البلد تتطهر وتنضف صح
أيوة بعتذر عن يوم وثقت فيه في ناس ميستحقوش ثقتي ودافعت عن ناس ميستحقوش الدفاع عنهم هما النهاردة بيبرروا قتلي
ايوة بعتذر لثورة خذلتها مرة وبعدت عنها مرة وتصورت واهما انها انتصرت رغم ان السكينة كانت على رقبتها
يعتذر عن أخطاء حصلت ومش هتتكرر بإذن الله وانا من النهاردة ثائر مصري...ثائر مصري وبس مش فارق معايا مرسي يرجع ولا الاخوان تحكم وانما يفرق معايا بس ثورة اتخطفت روحي ودمي فداء انها ترجع تاني
#الثورة_لن_تموت
ننقل لكم بعض التعليقات على اعتذار المغير:
- سؤالي بقا ليك, انتا كنت فين ايام محمد محمود وماسبيرو ومجلس الوزراء والبنت اللي تعرت ووزارة الدفاع !! ايام اسقاط حكم العسكر ايام ما انت عملتلي فيديو وبتقولي فيه بكل سخريه يعني ايه اسقاط حكم العسكر, انتا مفوقتش الا لما العواجيز سقطوا مش بس عواجيز السن لا عواجيز الفكر, ابواسماعيل, مرسي, المرشد للأسف انت فوقت متأخر !
- دفاعك المستميت عن مكتب الارشاد, لا يدل بالمره انك لا يفرق معك مرسي او اخوان !!
- أسف مش قابل أعتذارك عن كل رصاصة ضربتها في صدر واحد مننا