قالت والدة «شاب المرج» الذي ظهر في الفيديو المُنتشر على مواقع التواصل الاجتماعي يُعرقل إحدى الفتيات في المرج بمساعدة شاب آخر لم يظهر وجهه في الفيديو: «قبل رمضان دايما الشباب بتعلّق الزينة ويعلقوا النور ويعملوا مقالب زي برنامج (إديني عقلك) و(زكية زكريا)». وأضافت منفعلة: «إحنا قبل ما نلوم على الشباب نلوم ع البنات اللي بتلبس البناطيل والبنات اللي بتلبس الباديهات وهي اللي بتشجع الولاد إنهم يعاكسوها».
وأضافت والدة الشاب في مكالمة هاتفية لبرنامج «مصر الجديدة» على قناة «الحياة 2»، مساء الأحد: «هي اللي عاملة الكلام ده، هي وابني بيهزروا مع بعض في الشارع ومع الشباب كلها، هي لها دراية بالموضوع ده، دي كانت بتهزر».
وأشارت إلى أن «ابني راح القسم عشان يثبت حسن نيته»، وتابعت: «البرامج اللي بتضحك الناس الشباب الصغيرين بيقلدوا البرامج دي».