السيسي : توفير أماكن أكثر تطورا لأصحاب المنازل المزالة من أجل المنفعة العامة

شدد الرئيس عبدالفتاح السيسي، على تعويض أصحاب المنازل التي يتم إزالتها من أجل المنفعة العامة، مؤكدا أنه سيتم توفير أماكن ومناطق أكثر تطويرا لهم .
وأضاف خلال افتتاح أكبر معمل تكرير للبترول فى مصر وأفريقيا: "علشان محدش يحاول يشتغل على الناس ويقولك هيودوكوا فين؟، أى ساكن في بيت يتم إزالته بيروح مكان محترم واكثر تطورا وبنعوض أصحاب الأملاك".
وأشار الرئيس عبدالفتاح السيسي إلى وجود مجموعة من الناس كل هدفها التشكيك فى المشروعات التى تتم وبث الشائعات والفتن بين المواطنين، وتابع: "فيه ناس موجودة وكل هدفها التشكيك ويخوفوكم بيطصادوا في المية العكرة..لما تحركنا وبدأنا في خطة شرق العاصمة بالكامل قالوا بيعمل لصالح مصر الجديدة ومدينة نصر.. مفيش كلام من ده فيه حاجة لصالح الناس".
وقال "الحركة 3 ملايين سيارة خلال اليوم احنا بنرحمهم بحركة كويسة سهلة واقل تكلفة في الوقت والوقود.. مبنعملش إجراء الا في اطار خطة متكاملة للدولة لمعالجة اثار صعبة، اللى بتشوفوه ده بقولها للاعلام والمواطنين هو ده الحال، نصلحه ولا نسيبه؟، نصلحه طيب نصلحه على حساب الناس ولا حساب الدولة، والدولة فى الاخر شعب مصر".