الرئيس السيسي يوجه بعدم إصدار تراخيص بناء فى بعض المناطق بمحافظة القاهرة

أكد الرئيس عبدالفتاح السيسى، عدم إصدار تراخيص بناء فى بعض المناطق بمحافظة القاهرة، قائلا: "عملنا إيقاف للبناء هل كرها فى الناس ولا تضييق عليهم؟ ولا علشان مبنحبش مصلحتهم؟"، إحنا عملنا كده علشان لابد من مراجعة الكثافة الموجودة فيها علشان الناس تقدر تعيش بشكل مناسب كحد ادنى وبالتالى فيه أماكن فى القاهرة لن يصدر لها ترخيص مرة أخرى.. واشتراطات المبانى كانت بتقول 7 أدوار هيبقى دورين بس".
وأضاف الرئيس، خلال افتتاح مرحلة جديدة من الأسمرات بمحافظة القاهرة: "هيبقى عافية وجبر؟، لأ"، الموضوع مش كده"، ولكن لازم نحل المسالة عن طريق اللى احنا وصلناله كفاية عليه"، والقرار ده اتأخر 20 سنة".
وقال السيسى، إن وقف تراخيص البناء أمن قومى ومصلحة وطنية، متابعا: "لابد أنه عقد بين الدولة والقائم على تنفيذ المنشأة، ولازم تنفيذ العقد، ومش هينفع أنه بعد لما يأخد التراخيص مش يعمل اللى فيها".
وتابع الرئيس السيسى خلال كلمته فى افتتاح عدد من المشروعات القومية والمرحلة الثالثة من حى الأسمرات: "محدش قال الزحمة دى هنعمل فيها، وقاعدين ننتقد الدولة.. البناء المخالف خطر حقيقى علينا.. ونظام التراخيص سوف يكون بشكل جديد تماما".