السيسى من السادات : نتخذ مسارات غير تقليدية للإسراع بوتيرة الإصلاح .. وتعظيم معدلات النمو ضرورة .. ومستعدون للمشاركة بمجمع الغزل بشرط تقليص مدة التنفيذ

قال الرئيس عبد الفتاح السيسي، إن مصر دولة قوية، وجاهزة لإنجاز أى مشروع.
جاء ذلك خلال حضوره افتتاح عددا من المشروعات التنموية بمحافظة المنوفية منها افتاح 296 مصنع صغير ومستشفى عسكرى وتسليم وحدات سكنيه .
أشار الرئيس إن معدل النمو الذى تحققه الدولة لابد أن يتعاظم، ونقفز بمعدلات التنمية فى مدد زمنية أقل من الآن بكثير، مشددا: " حجم العمل الذى يتم توفيره للشباب يجب أن يكون أكبر من الحالى".
أكد الرئيس عبد الفتاح السيسى، استعداده للمشاركة فى إنجاز مجمع الغزل والنسيج، قائلا: "المشروع 5 مراحل، يتم تنفيذهم فى 7 سنوات، وخطوة إنشاء مصانع الغزل والنسيج ستكون فى المرحلة الخامسة آخر حاجة، واللى قبل كده بنعمل مراحل آخرى مهمة".
وجدد الرئيس استعداده لتسهيل الإجراءات لإنهاء مجمع الغزل والنسيج، قائلا "مستعدون نساعد بالإجراءات اللى تخليكم تقدروا تختصروا المدة لأقل من 7 سنوات، ولو شاركت فى المشروع يبقى يخلص فى سنة ونصف، لأنى هشارك بنص التلكفة".
وأضاف"احنا مستعدين نقدم كل التسهيلات عشان المشروع ده يخلص فى 3 أو 4 سنين، واحنا مستعدين.. احنا جامدين ومصر دولة جامدة، وجاهزين نخش ب50% معاكم".
وقدم المهندس طارق قابيل، وزير الصناعة والتجارة، الشكر للرئيس عبد الفتاح السيسى على دعم القطاع الخاصة بصفة عامة والصناعة بصفة خاصة، ورد الرئيس قائلا: " إحنا بنضيع وقت كتير فى إعادة تأهيل مصانعنا، وعندنا صرح كبير كان معمول من الخمسينيات".
أضاف السيسى، فى كلمته بافتتاح مشروعات تنموية بالمنوفية اليوم الإثنين، أنه قال للمهندس مصطفى مدبولى فى وقت سابق، "لو هتمشوا فى مسارات إصلاح تقليدية مش هتخلصوا مع البيروقراطية والدراسات، وهتلاقوا نفسكم قاعدين".
وتابع: "إحنا بنتكلم مثلا على مصانع السكر، والأهالى فى الصعيد عايزين ناخد منهم القصب بسعر كويس، وده من حقهم وفى نفس الوقت المصانع اللى موجودة من الخمسينيات والستينيات بقت خارج الخدمة، وتكلفة التشغيل الخاصة بها عبء على الشركة.
استكمل: "عشان نعمل تطوير لازم نتجاوز السلبيات، وعندنا إشكاليات، ومحتاجين نحط إيدينا فى إيدين بعض عشان نحلها وفهم المصريين للقضايا مساعد الحكومة".
أشار الى إن مصر تفقد تقريبا 20% من القيمة الحقيقية للإنتاج فى قطاع السكر نتيجة تهالك المصانع.
أضاف السيسى، فى تعقيب له خلال كلمة طارق قابيل وزير التجارة والصناعة "قطاع الأعمال مش قادر يحل المسألة، ومش عيب فى الوزير، ولكن التحديات اللى جوه الموضوع كبيرة".