"مشادة ساخنة" تنتهى بطرد الإبراشي صاحب مبادرة "تقنين بيع الحشيش" من البرنامج

قام الإعلامى وائل الإبراشى، بطرد أسامة سلامة رئيس رابطة تجار السجائر وصاحب مبادرة "تقنين الحشيش" على الهواء، بعد أن تجاوز فى حق ضيوف برنامج "90 دقيقة" الذى يقدمه.
بدأت واقعة الطرد، بعد دخول المشاهدين على الهواء للحديث مع أسامة سلامة لمعرفة كيفية تقنين الحشيش فرد الضيف قائلاً: وزير الصناعة معينيش زى حضرتك كده وقاعد على مكتب وبتنقل من مكتب لمكتب".
ووجه أسامة، حديثه لضيف آخر بالبرنامج قائلا: الدكتور اللى قاعد قدامي ده وفاكر نفسه هو اللى فاهم وعمال يقوللى أنت بتشرب.
ورد ضيف الإبراشى، بعد الهجوم عليه قائلاً: إنت شخص هيستيرى وسيكوبيتى وعايز تعمل نفسك حاجة.. ورد أسامة قائلاً إحنا بنحترم المشاهدين وحضرتك مش محترم البدلة اللى إنت لابسها.
ورد الضيف: انت شخص سيكوبيتى مين وراك؟. انت محب للشو.
وتحدث أسامة لوئل الإبراشى: حضرتك لا احترمت المهنية ولاضيوفك ولا الحيادية وأنا بعتذر عن عدم تكملة البرنامج.
ورد الإبراشى: اتفضل.. ورد أسامة: حضرتك بتدخللى الناس من الصعيد قاعدة على مصطبة وأنا جاى أناقش الموضوع من الناحية الاقتصادية.
وقال الإبراشى: اقتصادى إيه وليه بتهين الناس.
ورد أسامة: معنديش استعداد للمناقشة بالطريقة دى اللى حضرتك بتبعها أنت والبيه.. فرد الإبراشى.. اتفضل.