ليه تقسي ؟؟.. بقلم : د/عمر عبد الجواد عبد العزيز

أنا ما صدقت أنسي
سنين إهمال
في خلسة ….
و الحظ بعد ما مال
صار لينا مرسي ….
أنا ما صدقت أنسي
قيود و طوارئ و أغلال
ضاعت معاها …..آمال
بين الجمل و بين الهلال
قبل عشرين و خمسة …
أنا ما صدقت انسي
ليه عايز ترجعني
لقهر كتير وجعني
لا شئ
في الدنيا يمنعني
أقول للباطل إنسي ….
أنا ما صدقت أنسي ….
مستحيل أسيبك تضيع
مستقبل أجيال و تمنع
صوتهم يوصل و تدفع
ملايين و البلد حاسة….
أنا ما صدقت أنسي ….
طول عمري بدافع
عن بلدي و لرايتها رافع
و الكل أصبح سامع
الصرخة و الهمسة …
أنا ما صدقت أنسي ….
تمثيل الوطن شرف
مسؤوليه
و أمانة مش ترف
كيف يتحدد في غرف
عليها. حراس قانصة ..؟؟
أنا ما صدقت أنسي ….
تراب الوطن أغلي
من كنوز الدنيا و أولي
من مقاعد بالية و أعلي
من سلطة باتت لامسة …
أنا ما صدقت أنسي ….