جلال عامر ما بين زحمه الم و جراح ..... كلمات وائل مصطفى احمد - ساقي الورد

انا ببكي وقلبي جريح
وفاجئني الخبر
ده صحيح ! ! !
صحيح يا أحمد
صحيح تامر ! !
جلال عامر
تركنا وراح
ما بين زحمة ألم وجراح
مابين عسكر وبين إخوان
ما بين خاين وبين خوان
رحل عامر
وفقلوبنا بنالوه مكان
يا ضحكة آمنا الثكلى
مع مواطن فقير غلبان
تسبنا إزاي ! ! !
لمين اقرأ
وليه اضحك ومين اشرب معاه الشاي
ما كنت تقول
فراقك يا جلال المره دي هيطول
جلال عامر ! !
يا ناس معقول ! ! !
وطنطاوي قاعد لينا
يرازينا
يعادينا
يموت كل يوم فينا
حرام ده يا رب
يموت إنسان بجد يحبنا وانحب
أقولك إيه
وقلبي الدمع مالي عنيه
خبر عاجل
بموت راجل
كرس كل أقلامه
وأيامه واحلأموه
لنصره مصر
ؤهيصلوا
عليه العصر
وعقلي يا ناس خلاص هيخف
كتبت كتير من حزني وحبري للأسف أهو جف
يا فبراير بقيت ذكرى
جلال ميت وساب فكره
تعيش فينا
يعيش موجود
يموت إنسان والفكره تعيش بخلود
رحم الله عمنا وأبونا وخالنا
جلال عامر