يوميات فتاة ثائرة.....رغيف العيش

قال ايه هنستورد دقيق من فرنسا و كندا الى جانب القمح الامريكى و السوفييتى
و العيش عندنا هيبقى انترناشيونال
حد سألنا عن رأينا ؟؟؟
حد إهتم يعرف موقفنا ؟؟؟
بس عموما , احنا مش عايزين لا ده و لا ده
احنا عايزين رغيف عيش يتكلم بالعربى .....
لأ بالمصرية العامية بتاعت الشوارع و الحوارى و الغيطان
عند الفلاحين و الصعايدة و السواحلية....
بتاعت ايوة و لع و ايوهو,,,
حدانا و جعمز.........
مش عايزينه يقول بونجور و لا حتى اسيى فو ,,,
مش عايزينه يقول هاف أ نايس ميل ,,
عايزين ناكله بالهنا و الشفا
بس يكون بعرق الصعايدة و الفلاحين
وناكله واحنا مطمنين اننا هنللاقيه بكرة وبعده ولأبد الآبدين