نشطاء التواصل ل"أدرعي" في ذكرى النصر: "حط إيدك على قفاك"

سخر نشطاء مواقع التواصل الاجتماعي "فيسبوك وتويتر" من أفيخاي أدرعي، المتحدث باسم جيش الدفاع الاسرائيلي للإعلام العربي، بمناسبة الذكري ال42 لانتصار أكتوبر المجيد.
وقال أحد النشطاء: "مفيش تهنئة كدا يا أفيخاي لإخواتكم المصريين والسوريين اللي هزموكم يوم 6 أكتوبر 73، هو عشان عدى على الموضوع دا 42 سنة هتعملوا نفسكوا نسيتوا وللا ايه ؟؟؟؟ وعمالين بس تقولوا احنا متسامحين وبنحب السلام و العرب وانتوا قلالات الاصل".
وأضاف أخر :"مفيش تهنئة لمصر بانتصار أكتوبر النهاردة 6 أكتوبر أوعى تكون ناسى ده أنت بتفتكر مولد النبى وبتهنينا بيه.. جرا ايه يا افيخاي انت يهودي ولا ايه ياجدع".
وتابع: "النهارده بالذات تسكت شوية وتروح تقعد مع حد من اللى (...) فى أكتوبر يحكيلك حصل فيكوا ايه"
وأشار أخر: "ازايك يا افيخاي صباحك زي وشك ان شاء الله انهاردة 6 اكتوبر مبيفكركش بحاجة اليوم ده؟ طب حط ايدك على قفاك هتفتكر".
وأوضح آخر: "أنا افيخاي أدرعي- Avichay Adraee انا اسمي جيش الدفاع الاسرائيلي .. في يوم 6 اكتوبر الموافق 10 من رمضان الجيش المصري خدني في حته اسمها قناة السويس وقعد يضربني., يضربني جامد اوي .. وانا اقوله بلاش , حرام".
وعلق أخر: "كل سنة و انت مهزوم يا فيخا و اوعي تنسي انت و حبايبك الخنازير ان يوم عيدكم الجيش المصري العظيم خير اجناد الارض انتصر وعدى القناة وحطم بارليف اللامؤاخذة المنيع في ست ساعات".