والدة الجندى للشباب:بلدى وحشتنى تقدروا ترجعوها

"بلدى وحشتنى يا ولادى هل هتقدروا ترجوعها ليا تانى ..كلمة أمى وحشتنى يا ولادى ..هل يا ترى هسمعها منكوا تانى" بتلك الكلمات استهلت والدة الشهيد "محمد الجندي" كلمتها في حضور مؤتمر تدشين جبهة "30 يونيو" بمركز إعداد القادة بالعجوزة .
لتشدد بعد ذلك وبعاطفة أم مكلومة على ابنها تجسدت بوضوح في نبرة صوت تأثر به جميع من سمعها حتى أدمعت أعين البعض " أريد أن أسمع كلمة يا أمي في الميدان في كل محافظة من كل بيت .. أنا ابني اتعذب ..وقتل ..واستحلوا لحمه ..واستحلوا دمه " .
وتابعت مستنكرة غضب الإخوان من دعوات سحب الثقة من مرسي " هل عندما أوكل محاميا ولا يعجبني أداءه، أليس من حقي أن أستبدله وأسحب منه التوكيل ؟!! "
ورثت " أم الشهيد " نجلها في أبيات " محمد الجندي هو ابني , ابن بطني , ألف رحمة ونور عليك يا اللي وحشني عينيك , ياللي وحشني لمسة إيديك , ألف رحمة ونور عليك يا ضنايا يا ابن بطني نفسي ترجع ثانية واحدة جوة حضني , أعذرني ياربي أصل ابني واحشني " ليتفاعل الحضور مع تلك الأبيات هاتفين " وحياة دمك يا شهيد ..ثورة ثورة من جديد " وتردد الناشطة السياسية " شاهندة مقلد " .." دم الشهيد مش قربان لا لإخوان ولا أمريكان " .