السيسي: كل يوم أفضل من امبارح واحنا بخير

أكد الرئيس عبدالفتاح السيسي، أن الشهداء دفعوا ثمنًا كبيرًا حتى تنعم مصر بالأمن والسلام، مستطردا:"كنا على ثقة بانتهاء خطر الإرهاب"، لافتا إلى أن الاحتفال بيوم الشهيد يؤكد قدرة مصر على تخطي التحديات والصعوبات.
وأعلن "السيسي" خلال كلمته في فعاليات الندوة التثقيفية ال37 للقوات المسلحة، اليوم الخميس، إقامة معرض يتضمن صور وأسماء الإرهابيين، معلقا بالقول: " فى المعرض هنوريكوا صور وأسماء كل المجرمين هناك.. الاسم والصورة لكل مجرم من المجرمين".
اقرأ أيضًا.. بث مباشر| السيسي يشهد الندوة التثقيفية بمناسبة يوم الشهيد
وأضاف "أوعوا الموضوع ده يتكرر تانى .. أوعوا يا مصريين تتسببوا مرة تانية فى خراب بلادكم الكلام ده التعمل لما البلد اتفكت في 2011 وهفضل أكررها واتحاسب قدام ربنا على الكلام ده.. الكلام ده حصل لما البلد اتفكت في 2011".
وتابع السيسي أنه إذا كانت الناس هتتصور إن أزمة اقتصادية زى اللى أحنا بنمر بيها هو ده القياس الحقيقي للدولة المصرية يبقى أنتم بتظلموا بتكلم بصراحة .. إذا كان القياس ظروفنا الاقتصادية طيب كنا عاملين إزاى في 2011 – 2013 .. مهم مننساش إن الدولة كانت خلاص مفيش، وكان ممكن قوى البلد تدخل حرب أهلية ونقعد سنين طويلة".
وأوضح:"لغاية دلوقتى فيه دول دخلت مخرجتش... الموضوع كله قدام عنينيا... وربنا أراد للبلد دى إنها متخشش حرب أهلية ... هو ربنا أراد كده رغم كل التخطيط والمكر لكن إرادته
سبحانه وتعالي أنها تنجو".
وواصل السيسي:"دايما هيبقى موجود الكويس واللى مش كويس اطمنكم أن أحنا بخير وسلام وأمان وكل يوم أفضل من امبارح"
وشهد الرئيس عبدالفتاح السيسي، الندوة التثقيفية للقوات المسلحة بمناسبة الشهيد ويتجدد عهد الأبطال بالدفاع عن مصر الغالية بالروح، نتذكر هؤلاء الأبطال الذين وهبوا حياتهم للوطن، فلم يهابوا الموت، بل أقدموا عليه، مؤمنين بحق بلدهم عليهم وقدسية ترابها وفريضة الدفاع عنه وشرف الشهادة في سبيله وتحيا دائمًا مصر بأرواح شهدائها.
وتحتفل القوات المسلحة المصرية يوم 9 مارس من كل عام بيوم الشهيد، وذلك تخليدًا لأرواح الشهداء والتذكير بالتضحيات التى قاموا بها فى سبيل الحفاظ على الوطن، جاء اختيار يوم 9 مارس من كل عام مع ذكرى استشهاد الفريق أول عبدالمنعم رياض 1969 والذى ضرب أروع مثال على التواجد فى خط المواجهة فكان دائمًا فى الصفوف الأمامية تأكيدًا على تلاحم القائد مع جنوده فى الميدان.