أشرف صبري يكشف قصة حب قديمة لابنته ياسمين

تحدث أشرف صبري والد الفنانة ياسمين صبري، عن طبيعة علاقته بابنته، موضحًا أنه لم يتخلَ عنها كما تحدثت من قبل، وذلك خلال لقائه مع برنامج "قعدة ستات"، مع الإعلامية مروة صبري والذي يذاع على شاشة "القاهرة اليوم".
اقرأ أيضًا..ياسمين صبري تفاجيء متابعيها بإطلالة غير متوقعة (صور)
وقال صبري خلال اللقاء: "والدة ياسمين مكنتش موجودة خالص دايمًا يا في الكويت يا انجلتزا لما سافرت ولما بتجي أسبوعين الشتا وأسبوعين في الصيف".
وتابع: "فكنت لازم كتير أوي اقعد اقرا لأني طبيب في الأساس وعلم النفس.. كنت بشوف هعمل إيه الأم مش موجودة ولأزم أدخل في حياتها حتى في حياتها الخاصة.. كنت دايما اقولها متخبيش عني حاجة لو بتحب حد قوليلى وأنا هنصحك وأنتي أختاري".
وعن حياة ابنته الشخصية وعلاقتها العاطفية، أثناء دراستها الجامعية، قال: "كانت في بداية الكلية كان ليها قصة حب كده مكنتش مرتاح لها خالص كنت مبسوط إنها بتحكيلي".
وأضاف: "كانت كتير تعيط وتقولي طب أنا هعمل إيه أقولها قوليلوا كذا ولو رد عليكي بالطريقة كذا يبقى فعلا بيحبك.
وأردف والد ياسمين صبري: أنت لازم أسمع وأجي على نفسي كأب كنت خايف إنها تروح منى.. وأنا طبيب وعندي شغلي وحياتي مشحونة فكنت ببقى قلقان جدا أن الفترة دي تتخطف في حتة أنا مش مرتاحلها.
وكان قد شن أشرف صبري والد الفنانة ياسمين صبري، هجومًا عنيفًا على ابنته واتهمها بالكذب في تصريحاتها الأخيرة، والتي أوضحت فيها أنها عاشت حياة بسيطة ولم تحصل على كل ما أرادته.
ونشر والد ياسمين صورة لمدرسة ياسمين على حسابه الرسمي بموقع التواصل الاجتماعي فيسبوك، وعلق عليها قائلا: "دي المدرسة اللي اتخرج منها بناتي اللي واحدة منهم بتدعي أنها كانت في مدارس عربي وعاشت حياة بائسة فقيرة وأنها وصلت بمجهودها! هو الكدب في حد يوصل للدرجة دي؟".
وأضاف: "أنا افهم الكدب لما تبقي غلبانة وتكدبي تقول انا من عيلة كبيرة ومدارس اجنبية وعيشت في سراية وبابي كان وزير وهو بيشتغل عامل! يبقي كذب
له مبرر! لكن أن واحدة اتولدت لها شغالة فلبينية بتلبس من باريس لاني كنت باجيب لها لبسها من هناك ودخلت مدرسة ال EGC أرقي مدارس إسكندرية في وقتها وعاشت في فيلا بحمام سباحة وصالة جيم ولها غرفة خاصة بحمامها".
وتابع: "وكانت بليدة وطلعت تروحي ويا دوب تنجح بالعافية بخمسن في المية وكانت بتروح الكلية بالعافية واصحيها الصبح بالساعة عشان تروح الكلية وتترفد في السنة مرتين وعميدة كلية اعلام بيروت موجودة وتشهد كنت اروح دايما اقدم اعتذارات وشهادات طبية عشان ترجع الكلية وشهاداتها عندي كلها كحك وابوها دكتور".
وأوضح أشرف صبري: "تطلع تدعي أنها عاشت حياة بائسة وغلبانة وبتكمل باقي الشهر من غير فلوس! ايه الكدب والفيلم المتخلف ده انتي عايشة دور تمثيل ورثاه من جد والدتك سيد سليمان. وبتكدبي ليه؟. حتاخدي نشان يعني على خيبتك وفقرك وصلتي وبقيتي حاجة؟ انتي بالنسبة لابوكي حتة عيلة مش فاهمة بتعملي ايه غير انك بتشوهي اللي رباكي عشان الناس تسأفلك".
ومن جانبها تحدثت الفنانة ياسمين صبري، في جلسة حوار على موقع التغريدات الشهير «تويتر»، عن طفولتها وقالت: "أنا بنت اسكندرانية عايشة في طبقة متوسطة، مصروفي لو خلص وهو قليل جدا مع نفسي، وكنت بلعب سباحة وفي وقت من الأوقات كنت في مدرسة حكومة".
لمزيد من أخبار الفن اضغط هنا