نهال عنبر: فلوس الفن حلال.. ومشاهد الإغراء شغل ومش عيب

قالت الفنانة نهال عنبر عضو مجلس نقابة المهن التمثيلية: "الفن فلوسه مش حرام، أنا بشتغل حاجة فيها قيم ومبادئ".
أقرأ أيضًا: نهال عنبر ل "الوفد": محمد رمضان إنسان جميل و متواضع
وأضافت نهال عنبر، خلال لقائها ببرنامج "هي والناس"، المعروض على فضائية "الحدث اليوم": "أي عمل فني يقدم في النهاية رسالة، وأنا لما عملت مشهد الطلاق في "العائلة والناس" لقيت واحدة بتكلمني وبتقولي أنا كنت هتطلق ولما اتفرجت على مشهدك رجعت في كلامي، علشان كده الفن بيقدم قيمة وفلوسه مش حرام".
وتابعت: "مفيش مشكلة في المشاهد الجريئة بالأفلام ولكن أنا ضد الوقاحة، ومشاهد الإغراء ده شغل ومش عيب".
وكشفت الفنانة نهال عنبر عضو مجلس نقابة المهن التمثيلية، في نفس اللقاء، ما إذا كانت المشاهد
الجريئة والقبلات في الأفلام حقيقية أم غير ذلك.
وأكدت: "مشاهد القبلات في الأفلام أحيانًا بتكون حقيقة وأحيانا بتكون خدع، وذلك من خلال تحكم المخرج في كاميرا التصوير".
ولفتت: "مشاهد القبلات دلوقتي مبقتش كتير زي زمان، والسينما زمان كانت بتهتم بالمشاهد الساخنة والقبلات".
وكانت الفنانة رانيا يوسف، قالت في تصريحات سابقة: إنها ليس لديها أي موانع أو خطوط حمراء أثناء القيام بأي دور أو مشهد يطلبه المخرج منها في السينما، حتى لو كانت هذه المشاهد ساخنة أو بها قبلات.
وأضافت رانيا خلال حوار خاص مع الإعلامية إنجي أنور، مقدمة برنامج "مصر جديدة"، أنها لا
تمانع من القبلات أثناء تجسيد دور معين في السينما.
وشددت على أنها ليس لديها أي خطوط حمراء أو أي مانع يمنعها من تجسيد أي مشهد".
وردت الفنانة رانيا يوسف في وقت سابق، على وضع مغني الراب الشهير الجوكر اسمها ضمن أغنيته الجديدة، قائلة: "أنا بصوَّر ومش فاضية لأي حاجة من الحاجات دي خالص ولا أعرف أي حاجة عنده".
وتابعت خلال مداخلة هاتفية ببرنامج "كلام الناس" المعروض على فضائية "إم بي سي مصر": "الجوكر أو أي حد عايز يحط اسمي في جملة مفيدة علشان يتشهر".
وأضافت: "الواحد مش معقولة يسيب شغله وحياته ويدور على ناس مجهولة عايزة تتشهر على حسابه بيقوله أي كلام، وده قدرنا في السوشيال ميديا، وأنا مكنتش فاهمة يعني إيه تريند لكن فهمت أن أي حد عايز يعمل حوار أو مصيبة بيحط اسم رانيا يوسف، ومبقاش يفرق معايا وأنا خلاص فهمت اللعبة".
للمزيد من الأخبار طالع alwafd news