قبل عرض الحلقة.. ياسمين عبد العزيز وأحمد العوضي قصة حب واجهت الصعوبات

قصة حب تحدت الجميع ومرت بالعديد بالأزمات وتقلبات كثيرة إلا أنها تجاوزت كل الصعات، بدأت من عام 2019 ليصبح الثنائي من أشهر قصص الحب في الوسط الفني وفي العالم العربي، ياسمين عبد العزيز وأحمد العوضي أتنين من ألمع نجوم السينما والدراما المصرية.
اقرأ أيضًا: (صورة) رسالة صادمة من شقيق ياسمين عبدالعزيز بعد إحراجها له على الهواء
بداية قصة حب ياسمين عبد العزيز وأحمد العوضي
بدأت قصة حب ياسمين عبد العزيز وأحمد العوضي في عام 2019، حين شارك الثنائى فى بطولة مسلسل "لآخر نفس"، وانتشرت الشائعات حول ارتباطهم وذلك بعد نشر صور جمعتهما فى عدة مناسبات، وحرصا على عدم الرد سواء بالنفى أو بالتأكيد.
وخلال لقاء تلفزيوني صرح الفنان أحمد العوضي عن بداية علاقته بالفنانة الكبيرة ياسمين عبد العزيز حيث قال : " القصة بدأت لما اترشحت في مسلسل لأخر نفس، كان نفسي أشتغل مع ياسمين عبد العزيز، والشركة لما رشحتني قالولي
إنه دور ظابط، وانت قلت مش هتعمل دور ظابط، ولكن لما عرفت إنه مع ياسمين عبد العزيز قلتلها لا عادي أنا أعمل الدور مفيش مشكلة، لما روحت ياسمين شافتني وحطت ايدها على كتفي بشكل جامد كده وأنا مش شايف مين وهي لابسة نضارة، فكنت مستغرب مين ماسكني جامد كده، يعني قفشة في البداية كده نص نص بس بهزار".
أحمد العوضي عن ياسمين عبد العزيز: ضحكت يبقى خلاص قلبها مال
قال الفنان أحمد العوضي : " بعد الموقف ده، تاني يوم روحت البروفة ولقيت المخرج قاعد وجمبه كرسيين فاضيين، فقلت أقعد على الطرف وهي هتبقي في النص ومش هتتكلم خلاص، جت سلمت عليا وقلتلها معلش مش معايا نسخة من السكريبت ممكن أبص معاكي فقالتلي اتفضل عادي، واتكلمنا
بقى وكلمة مني وكلمة منها وضحكت يبقى خلاص قلبها مال، والموضوع جه زي أي علاقة عادي تعارف وإعجاب وحب ثم زواج".
زواج أحمد العوضي وياسمين عبد العزيز
صرح الفنان أحمد العوضي أن زواجه من ياسمين عبد العزيز لم يكن في شهر مايو ولكنه وقت إعلانهما الزواج، وأنهم تزوجا في شهر يناير، وفي عيد ميلادها وهي الصورة التي تداولها رواد مواقع التواصل الاجتماعي كانوا بالفعل متزوجين قائلًا : " ماعلناش لأن في البداية احنا مش ضامنين العلاقة هتكمل ولا لا وكنا بنتخانق ونسيب بعض ونرجع تاني لبعض وهكذا، ونخاف نقول على العلاقة وتفضل فتتحسب عليها علاقة وخلاص".
وتابع العوضي حديثة : " كنا متفقين إننا هنعلن على الزواج في شهر رمضان عشان نكون مركزين في تصوير المسلسلات اللي عاملينها، لكن لما صور العيد ميلاد نزلت الدنيا قامت مقعدتش، وبخصوص الأخبار اللي كان بتنزل بأن ياسمين أكبر منى ب12 سنة، ده غير صحيح هي أكبر منى ب6 سنوات فقط وحتى لو أكبر من كده عادي، ولما أعلنا الساعة 4 الفجر كان عشان ياسمين عبد العزيز اسمها ميتحطش في سياق مش كويسة وأعرف الناس أن الست دى تخصني".