بعد قرار الموسيقيين.. تامر عاشور: مش أي حد اسمه يقترن بالغناء

علق المطرب تامر عاشور على قرار الفنان الكبير هاني شاكر نقيب الموسيقيين بمنع 19 شخص من مطربي المهرجانات من الغناء، وذلك عبر حسابه الرسمي على موقع تبادل الصور والفيديوهات الشهير "إنستجرام".
اقرأ أيضًا.. أسعار حفل تامر عاشور بمدينة العبور
وكتب "عاشور" في تدوينة عبر حسابه قائلًا : "الحقيقه انا شايف ان مش اي حد اسمه يقترن ب الغناء بغض النظر عن اي قرار".
وأضاف : "قرار منع فلان عن الغناء ده اعتراف بأن كل اللي اتمنع بيغني فعلا.. ولازم الجمهور يفهم ان هم اتمنعوا من "الاداء على المسرح" علشان له ضوابط ولكن يقدروا ينزلو مهرجانات عادي والناس تسمعهم عادي".
نقابة الموسيقيين تمنع 19 شخص من الغناء
قررت نقابة المهن الموسيقية منع 19 شخص من الغناء أبرزهم
: " حمو بيكا وشاكوش وكزبرة وحنجرة"، وجاء ذلك في بيان رسمى تم إصداره يوم 17 نوفمبر الماضي.
و جاء في البيان كشف باسماء الممنوعين من الغناء وهم : "حمو بيكا وحسن شاكوش " الغاء التصريح السنوى " كزبرة وحنجرة، مصطفى زكريا محمد على والشهرة " مسلم "، ابو ليلة واحمد قاسم الشهرة "فيلو"، أحمد موزة، حمو طيخة.
بالإضافة إلى ريشا كوستا، سمارة، شواحة وولاد سليم، العصابة، الزعيم، علاء فيفتى، فرقة الكعب العالي، مجدى شطة، وزة مطرية، شكل، عمرو حاحا".
آخر أعمال المطرب تامر عاشور
وكان طرح المطرب تامر عاشور أحدث كليباته والتي تحمل اسم "بقول عادى"
على طريقة الفيديو كليب، وهى من كلمات أحمد إبراهيم و ألحان سامح جلال وتوزيع و فواصل موسيقية فهد، مهندس صوت محمد إسماعيل .
وتقول كلمات الأغنية :-
بقول عادي
أنا المرة دي مش فارق معايا رجوع
أنا كويس ولا ببكي ولا موجوع
وموضوع الرجوع مقفول مالوش لازمة
بقول عادي
لكن بصراحة أنا بكدب ومش مرتاح
فراقك عدى على قلبي كأنه سلاح
قتلني ببطء وغيابك طلع أزمة
ومهما ببان
کويس أو طبيعي وبعده ريحني
مجرد سيرته ما بتيجي قصادي الشوق بيفضحني
وباخد بعضي وأمشي وأبص بلاقيني
مشيت في طريق بقولك فيه بتوحشني
غيابك طال وبتقطع
وعمري في مرة ما ببين
وأقول ناسي وأبان قاسي وأنا حنين
طريق ومشيته من غيرك ما كملتوش
بقيت واحد في بعدك حتي ما أعرفهوش
بقول عادي
لكني لوحدي ولا عادي ولا مبسوط
بقول عايش
لكن بعد في بعده بموت
وفاكره عمري ما نسيته
وده واجعني
ومهما ببان
کويس أو طبيعي و بعده ريحني
مجرد سيرته ما بتيجي قصادي الشوق بيفضحني
وباخد بعضي وأمشي وأبص بلاقيني
مشيت في طريق بقولك فيه بتوحشني
لمزيد من الأخبار الفنية.. اضغط هنا