بعد تعافيها من كورونا.. مي كساب : ندمت علي كل لحظة ظلمت فيها نفسي

كشفت الفنانة مي كساب عن الصعوبات التي واجهتها خلال فترة العزل بعد إصابتها بفيروس كورونا، وذلك عبر حسابها الرسمي على موقع تبادل الصور والفيديوهات الشهير "إنستجرام".
اقرأ أيضًا.. فيديو.. مي كساب تطرح أغنيتها الجديدة "ماما فين"
رسالة مي كساب بعد تعافيها من فيروس كورونا
ونشرت "مي" صورة من حدوتة "عقبال عوضك" ضمن حكايات مسلسل "زي القمر" وعلقت عليها: "الكام يوم اللي فاتو كانوا أطول مدة أقعدها لوحدي في حياتي وبعترف شُفت الحقيقة الكاملة حقيقة نفسي حقيقة كل حاجة حواليه وعرفت قيمة كل حاجة وندمت علي كل لحظة ظلمت فيها نفسي أو ظلمت حد من اللي بأحبهم وبيحبوني".
وتابعت : "اللي بتكتب دلوقتي مي بس بتاعه 2010 بس
بمخ العشرين سنة اللي اشتغلت فيهم ونجحت وأخفقت بسبب ظروف وأوضاع اتفرضت عليه بس الحمد لله راضية تمام الرضا علي كل ابتلاء وكل مشكلة اتحطيت فيها لأن في الآخر ربنا سبحانه وتعالي كان بيحلهالي في الآخر عشان أقدر نعمه".
وأضافت: "أنا عدى عليه 11 سنة صعبين جدًا يمكن القريبين منى عارفين أنا استحملت إيه وواجهت إيه أنا مسحت كل لحظة مش عاوزة أشوفها تانى عشان بتفكرنى إنى كنت مش أنا وسببت كل لحظة وكل صورة بتعبر عنى وعن اللى جوايا، وعن أكتر حاجات مأثرة جوابا كفنانة
وكإنسانة ومسحت كل صورى العائلية ولو إن دى مش أنا لحد ما أرجع أنا وأسجل لحظاتى الحلوة مع عيلتى الجميلة أكبر نعمة من رب العالمين".
واستكملت حديثها قائلة: "جوزي وأولادي وأهلي وأصحابي وزملائي رفاق الرحله الأوفياء الصادقين السند والضهر اللي خلاني أعرف أعدي ال 11 سنه دول بأعترف #عقبال_عوضك كان عوضي الفني والإنساني بعد صبر 11 سنه حبيت أفضفض معاكم وأطلع اللي في قلبي عشان دي أنا بأحكي اللي جوايا عشان نيتي بتكون إن اللي مريت بيه يكون مفيد لغيري ويتعلم منه حاجه تأثر فيه وتغيره للأحسن".
واختتمت حديثها قائلة: "أنا هارجع أنا وهاحارب وأقاوم كل روح شريرة وكل طاقه سلبيه أثرت عليه في السنين اللي فاتت وربنا يقدرني وأكون إنسانه صالحه وفنانة صاحبه رساله وأكون خير في الدنيا بحبكم من قلبي وحقيقي حبكم ليه هوه الحياة".
لمزيد من الآخبار الفنية.. اضغط هنا