بطولات الزمالك بالحظ.. تصريحات نجيب ساويرس تشعل التريندات

واصل المهندس نجيب ساويرس، تصدر مواقع التواصل الاجتماعي فيسبوك وتويتر، بعد أن أثار غضب وسخرية الجمهور بتصريحات وجدوها غريبة ولا تمت لقطاع كبير من الشعب المصري تعتبر أرقام ساويرس فوق طاقتها.
اقرأ أيضًا: لن تصدق سعر ساعة يد نجيب ساويرس في مهرجان الجونة السينمائي 2021 | أبرز مواصفاتها
وتحدث ساويرس عن موقف إنساني له مع عامل بوفيه، حيث قال: "فخور بدعمي لقضايا الفقر والظلم، وأتعاطف جدا مع أي مظلوم وفي إحدي المرات طردت المدير العام لرفضه الاعتذار لعامل البوفيه، ورأيت أنه أهان عامل البوفيه، فطلبت منه الاعتذار له لأنه رجل نوبي وهو من تولى تربيتي منذ 20 سنة، فقام بسبه وشتمه وقال إنه حمار، فرفضت تصرفه وطالبته بالاعتذار له فرفض فقمت بطرده".
وقدم ساويرس رسالة ونصيحة للشباب، قائلا: "متستعجلوش لأن الشباب طالع مستعجل أوي وفاكرين إنهم هيبقوا بسهولة ملياردير، وأنا ابتديت ب 5 أو 10 آلاف جنيه ومأخدتش فلوس من والدي، وبعد 3 سنين كنت أغني واحد عنده 23
سنة في مصر وعملت 250 ألف دولار".
وعن سر اهتمامه بالاستثمار في الذهب، أوضح:"مش معظم ثروتي كلها في الذهب ولكن أنا مقتنع أنه ملاذ اَمن وأنا في مرحلة في حياتي مش عايز اعمل فلوس اكتر عايز ابقي مرتاح".
وعن تشجيع شقيقه رجل الأعمال سميح ساويرس لنادي الزمالك، علق: "بطولات الزمالك الأخيرة بالحظ، وأنا أهلاوي صميم ومعنديش وقت اتكلم مع الزملكاوي، ومبتفرجش مع سميح علي أي ماتش، وهو استايل حياته مختلف عنى تمام لأنه بيلعب بيانو وبيسمع موسيقي كلاسيكي وانا بسمع شعبي وحسن شاكوش فأحنا مختلفين تماما، اهتماماتنا مختلفة تمام".
وعن كيفية اختيار ملابسه، قال ساويرس: "وأنا صغير كنت بقرأ مجلة ميكي وعندي هوس بميكي وبطوط وعم دهب وبندق وأي تي شيرتات عليها صورهم بلبسها وبحبهم وبتحسسني إني لسه صغير زي قلبي من جوا، وفي النهاية
يهمني رأيي أنا.. بشوف سعر اللبس قبل ما بقيسه ولو حاجة غالية أوي وعجباني مش بشتريها".
وأكمل ساويرس: "أولادي والدتهم ماسكة عليهم أوي ومبيقدروش يشتروا ماركات، أمهم شديدة وخايفة عليهم ليبوظوا، وابني بيدرس بقاله 4 سنين وعمره ما رفع السماعة وعايز حاجة وبيركب المترو والأتوبيس ولما مرض وجاله برد في بوسطن اصريت يشتري عربية ب 11 الف دولار وبعد 3 سنين يرجعها ويأخذ الفرق، وانا كنت باخد اقل مصروف في المدرسة وفي الجامعة اشتغلت في مطاعم ومسحت عربيات لأن الشغل بيعملنا قيمة الفلوس وازاي نعامل الناس البسيطة".
عشاء نجيب ساويرس
وعن مصروفاته اليومية، علق نجيب ساويرس: "أنا مبصرفش كتير لأني بتغدا وبفطر عند والدتي، أما العشاء لو خرجت بصرف 3000 أو 4000 جنيه ودلوقتي الأرقام ضربت خالص وكنا بنخرج الخروجة زمان ب 30 و50 و100 جنيه دلوقتي الأسعار ارتفعت أوي".
وتابع: "أول مصروف أخدته كان 2 جنيه في الشهر وكل اللى معايا في الفصل كانوا بياخدوا 10 جنيه، وأبويا كان بيدينا 2 جنيه علشان يعلمنا نبقي ناشفين وطلعت وجهة نظره صح".
لمزيد من أخبار الوفد اضغط هنا alwafd.news
موضوعات ذات صلة:
مهرجان الجونة 2021| سعر غير متوقع لبدلة وقميص نجيب ساويرس (صور)
نجيب ساويرس:الدورة الخامسة من مهرجان الجونة تستقبل 75 فيلمًا