وجه الفنان عمر السعيد رسالة حب لكل من المخرجة مريم ابو عوف والمؤلفة كريم نعوم، وذلك عبر حسابه الرسمي على موقع تبادل الصور والفيديوهات الشهير "إنستجرام". وكتب "السعيد" عبر حسابه قائلا : "المريمتان (ابو عوف و نعوم).. الاستاذة مريم ابو عوف (مريومة ) مخرجة مهمة جدا فى السنين الجاية.. عندها حس و مشاعر قليلون من يملكونها فى هذا المجال و ان كان اهم ما يميز المخرج تفاصيله و شغله و حسه و روحه او نفسه بالبلدى كدا". وتابع :" عايز اعبرلك عن امتنانى و شكرى مش بس عشان اختارتينى لدور مختلف اول مرة اقدمه لا عشان اصرارك طول الوقت و اهتمامك بالتمثيل حتى لو عدنا كتير المهم جودة المشهد بكل تفاصيله و على راسها العنصر الاهم و هو الممثل اللي بيحول كلام مكتوب لبنى ادمين بمشاعر و احاسيس و طاقة و حاجات تانية كتير". وأضافت :" انا اشتغلت معاكى فى امبراطورية مين 2014 و بعدين اغنية العالم كله 3 دقات فى 2017 و اخيرا ليه لا؟! 2020.. انا خدت بالى بنشتغل كل 3 سنين!! لا 2021 و انجزي.. تستاهلى كل خير على مستوى الشخصي و الفني و فرحان بيكى كسبنا مخرجة مهمة اوى عندها نفس مش قص و لزق!". واستكمل حديثه قائلا :" الاستاذة مريم نعوم عايز اشكرك على روحك و اختلافك انتى و ورشة سرد لكل عمل بتقدموه بيبقى مختلف و بجودة احلى و احلى.. مريم يا وش السعد مفيش عمل انا عملته معاكى منجحش من اول فيلم ليا و اول مرة امثل فى واحد صفر و اول مسلسل ليا ذات". وتابع : "و السنة الفاتت زى الشمس و السنة دى ليه لا؟! قصصك بتلمس الناس، شخصياتك بتحاكى واقعهم و حوارك هو الدارج المتقن الطبيعى بين البشر.. اشكريلى سرد و دينا نجم و كل واحد ساهم معانا". وأضاف :" وشكرا لشركة مهمة انا اول مرة اشتغل معاهم استاذ عبد الله ابو الفتوح و سوكا و حبيب قلبى من جوا الاستاذ محمد السيد و رعد و كل الطلعوا ليه لا؟!.. المخرجة الاستاذة نادين خان بحبك و اتبسط اوى اوى اوى فى مشاهد اللي عملناها سوا".