ياسمين عبدالعزيز بين نار الحب وهجوم شقيقها

شنَّ وائل عبدالعزيز هجومًا على شقيقته الفنانة ياسمين عبدالعزيز، بسبب صورها ونوع العلاقة التى تجمعها بالفنان أحمد العوضى، ما دفع ياسمين عبدالعزيز لإيضاح نوع العلاقة والاعتراف بعلاقة الحب للعوضي، وهذا ما أكدته صورة جديدة قامت بنشرها، وعلقت عليها قائلة، "بحبك يا أحمد".
وكان شقيق الفنانة ياسمين عبدالعزيز قد شن هجومًا على شقيقته، قبل إغلاق صفحته على الفيس بوك، بسبب نوع العلاقة التى تربطها بالفنان أحمد العوضي، قائلا عبر حسابه على موقع التواصل الاجتماعي فيس بوك :" بصى يا ياسمين يا عبد العزيز يا أختى، أنا معاكى وفى ضهرك من وأنتى صغيرة شيلت مشاكل كتير بسببك من وأنتى عيلة صغيرة، بداية من مشاكلك مع الشاعر وبرادة وأنتى عارفة إن أنا أتأذيت فيها إزاى وقضية الشغالات مؤخرًا
غير قضية الضرب اللى كانت بينك وبين بنت هشام سليم الممثلة اللى لبستيها التورتة فى وشها".
وتحدَّث وائل عبدالعزيز:"وقفت جمبك بكل ما أملك من قوة أدافع عنك فى كل موقف صعب مرَّ عليكى ونسيت حياتى ونفسى عشانك وبقى كل همى أنا ووالدتك، إنك تكبرى وتبقى نجمة فى مجالك، سيبنالك اختياراتك كلها لنفسك ووفقنالك على معظم قراراتك وكنت الوحيد اللى ساندتك ووقفت جنبك فى طلاقك، لكن هنهرتل وتروحى تعرفى واحد أصغر منك ب10 سنين لا من سنك وتتصورى صور مالهاش أى لازمة على حساب سمعتك وسمعتنا، لا ومحدش هيسمح، من أمتى وإحنا بنعمل أعياد ميلاد وتنزل على
السوشيال ميديا، من أمتى الناس بتجيب فى سيرتنا؟ ونقعد نتعاكس على السوشيال ميديا؟".
وتابع وائل: "ومع ذلك حياتك وأنتى حرة فيها، أنا هتكلم على الشق اللى يخصنى، أنتى مقاطعة كل العيلة عشان تعملى اللى على مزاجك، إحنا دلوقتى عايزين نفهم العلاقة دى إيه ورايحة على فين".
واستكمل شقيق الفنانة، "أما بالنسبة للأخ اللى ماشى وراكى فى كل حتة وشايفك البيضة الدهب اللى هتفقسله كل يوم.. أحب أقولك يا راجل لما تيجى تدخل بيت تدخله من بابه يا راجل!! وتقعد مع رجالة البيت!!.. دى الأصول وده الاحترام.. وطبعًا لأنك عارف أنك مرفوض رفضًا باتًا فاعمرك ما هتعمل ده ومعندكش غير طريق الشمال اللى أنت سالكه من سنين مع بنات الناس!!.. أنا من رأيى كفاية عليك البطولة اللى أخدتها والعربية المرسيدس الهدية، وتركز فى شغلك وتسيبنا فى حالنا لأن طول عمرنا فى حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد".