لقاء الخميسي توجه رسالة لمنتقدي إطلالتها في ختام القاهرة السينمائي

وجهت الفنانة لقاء الخميسي، عبر حسابها الشخصي بموقع التواصل الاجتماعي "إنستجرام"، رساله لمنتقدي إطلالتها في ختام القاهرة السينمائي، قائلة: "مساء الخير..كلامي النهارده للناس اللي بتحبني من قلبها واللي أنا بحبها وبحترمها، الناس اللي كانت في منتهي الأدب في تعليقاتها عن آخر لوك ليا في ختام الدورة الأربعين من مهرجان القاهرة السينمائي، باحترم آرائكم اللي نابعة عن حب وخوف وبقدرها جداً".
وأوضحت :"أنها فى المناسبات الفنية، تُحب أن تكون متجددة ومُختلفة، وقالت: "بحب أشوف نفسي كل مره غير التانية وده بنحتاجه كممثلين في أداء شخصيات مختلفة وده معناه أني بحب أجرب كل اللوكات وببقى مبسوطة وفيه لوكات بتعجبني وفي لوكات لا، والحقيقة بما أني بحب الموضة وما يخصها فبتابع آخر صيحات الموضة وفي نفس الوقت ممكن احب لوكات
قديمة بردو وتستهوني.. والحقيقة الفستان عاجبني جدًا وبحترم وجهات النظر المختلفة طول ماهي بتتقال باحترام وتحضر".
واستكملت: "الناس اللي عندها إصرار على "التنمر" وإصرار على توجيه ألفاظ خارجة عن إطار التحضر والأخلاق والأدب والاحترام فللأسف أحب أقولكم.. بصوا في المراية وعدوا من 1 ل 10، وفكروا بهدوء للأسف مفيش أي فايدة عادت عليكم غير إنكم ارتكبتم غلط في حق نفسكم".
View this post on Instagram
A post shared by Lekaa Elkhamissi (@lekaa.elkhamissi) on Dec 1, 2018 at 6:55am PST