كتب - جرجس ميلاد: هاجم الإعلامي عمرو أديب، الذين هاجموا صلاح الموجي، المواطن الذى تصدى للارهابي أمام كنيسة مار مينا بحلوان، بسبب أنه مسجل خطر، قائلا: "حتي لو كان مسجل خطر إيه المشكلة، وهو أنكر القضايا اللي عليه". وأضاف أديب خلال برنامجه "كل يوم" على قناة "on-e"، اليوم الأربعاء، قائلا: "إحنا ليه بنحب نشوه أي بطولة في مصر.. ومين مصلحته تشويه هذا الرجل وإطفاء بطولته.. إنت غلطان ياعم صلاح انك خاطرت بحياتك علشان بلد بتعمل فيك كده ومش بتديك حقك والراجل ده لو في الخارج كان احتفوا، لما البلد وحشة كده ومفيش أي حد كويس فيها.. قاعدين ليه فيها وبتكروهوها بالشكل ده ليه وانتم بتاكلوا عيش منها". وأكد أديب أنه بعد تشويه سمعة البطل الشعبي صلاح الموجي واتهامه لن يكلف أي شخص أخر مواجهة أي إرهابي، مؤكدا أن صلاح الموجي جازف بحياته أمام إرهابي، قائلا:" ده جزاته..جرا إيه يابلد". شاهد الفيديو: