على "تويتر" ..

قسم رؤساء حكومات مصر: الله .. الوطن .. فايزة أبوالنجا

فجرت السخرية من تولي فايزة أبو النجا وزارة التعاون الدولي والتخطيط في حكومة الجنزوري خفة دم المصريين على موقع التواصل الاجتماعي "تويتر"، تعليقا على احتفاظها بالمنصب لخمس حكومات بدءا من حكومة عاطف عبيد 2001 وحتى حكومة الجنزوري 2011 .
وكان من أبرز التعليقات على موقع التواصل الاجتماعي "تويتر ":
تساءل أحد أعضاء تويتر بسخرية "هي فايزة أبوالنجا كده عدت على كام حكومة؟ أنا سألت جدي السؤال ده فقال لي إنه ناوي يسأل أبوه السؤال ده وهابلغك أول ما اعرف" .
بينما تساءل آخر "هي وزارة التعاون الدولي دي بتعمل إيه ؟؟؟ والحاجة اللي بتعملها دي مفيش غير فايزة أبوالنجا اللي بتعرف تعملها يعني ؟؟".
وقال آخر "أنباء عن تولي فايزة أبوالنجا وزارتي التعاون الدولي والتخطيط - ده لحد مايجيبوا مدرس فرنساوي؟ ".
وعلق عضو آخر " المادة الثالثة في الدستور المصري تنص على أن فايزة أبوالنجا وزيرة التعاون الدولي وفي حالة وفاتها تورث للورثة الشرعيين " .
- فايزة أبوالنجا وحسن يونس" محدش بيفهم غيرهم في مصر تقريبا "!!.
- إلى السيدة فايزة أبوالنجا: إنتي جاية تشتغلي إيه؟؟ .
- فكرة الخلود فكرة مصرية والدليل فايزة أبو النجا .
- أموت واعرف فايزة ابو النجا ماسكة عليهم إيه؟ .
- طبعا المشير لما جات قدامه فايزة ابو النجا .. قالها سمعى اليمين .. مش احلفى اليمين .
ولم يسلم الدستور المصري من سخرية أعضاء "تويتر" حيث نشروا صورة مكتوب عليها مواد الدستور والتي تلزم بتولي فايزة أبو النجا وزارتي التعاون الدولي والتخطيط .