شاهد.. ألتراس أهلاوي يطلب إقامة مباراة الأهلي وآسيك في استاد القاهرة

طالب ألتراس أهلاوي، إقامة مباراة الأهلي وآسيك أبيدجان في ربع نهائي دوري أبطال إفريقيا، على استاد القاهرة الدولي.
وقال الألتراس عبر صفحته الرسمية بموقع التواصل الاجتماعي "فيس بوك": «مباراة مصر ورواندا للشباب اتلعبت على استاد القاهرة بعد ما كان مقفول لشهور ممكن تعدي السنة كمان.. طول الوقت اللي كان مقفول فيه كان بيتقال انه مش جاهز لاستقبال المباريات والحمدلله معنى كدة انه بقى جاهز ".
"مباراة الاهلي واسيك هتكون في نهاية الشهر ده وهتكون في رمضان" .
"جمهور الأهلي ممكن يسافر ورا فريقه اخر الدنيا تحت اي ظروف".
"لكن مفيش اي سبب ان جمهور الاهلي اللي غالبيته هيكون من القاهرة ومحافظات تانية انه يسافر في الصيام لبرج العرب ويفطر عند الاستاد والمباراة هتنتهي الساعة 12 بالليل ويكون سحوره في الطريق وكل ده في وجود ستاد القاهرة فاضي ومفيش مشكلة للعب عليه" .
"لو بنتكلم على تخطيط وتنظيم وعودة الجماهير للمدرجات لازم يكون في تفكير صح واحترام للمشجع ومعاملته معاملة آدمية".
"الاهلي ملعبه استاد القاهرة مش برج العرب"
"والاهلي بيلعب بإسم مصر زي المنتخب".
"نتمنى أن الاهلي يتعامل نفس المعاملة".