شريف منير: صلاح جاهين لو عايش كان هيحب "ويجز".. و هانى شاكر بيتكلم صح

حل الفنان شريف منير، ضيفا في برنامج "كلمة أخيرة" للإعلامية لميس الحديدى، المذاع على قناة ON، وتحدث عن قرارات هانى شاكر الأخيرة قائلا: "أنا بحب ويجز لأنه مجتهد وشاطر وبيعمل صورة حلوة، ومش بيقول كلام وحش، وأعتقد ان صلاح جاهين لو كان عايش كان هايحب ويجز".
وأضاف شريف منير: "هانى شاكر مش ممكن يمنع موسيقى معينة، ولو حد عنده طاقة غنائية وبيعرف يغنى وحتى لو بيغنى وصوته أجش، مش ممكن هانى شاكر هيمنعه، لكن هو بيتكلم عن الكلام أن الناس تعمل كلام كويس مش ألفاظ مسيئة".
وتابع شريف منير: "المهرجانات لها شعبية كبيرة وممكن بكلامه يصلح جيل بحاله، والموسيقى أذواق وفن في ناس بيعجبها المهرجانات وناس بيعجبها الأوبرا، وأنا ضد الكلام الخارج اللى يبوظ جيل، وضد الهجوم على هانى شاكر؛ لأن ده راجل له مكانة ومسؤول وبيتكلم صح وقال الكلام ده ممنوع وعنده حق".
وعن نشاط ابنته أسما على السوشيال ميديا قال شريف منير: "أسما نشطة على السوشيال ومبتعملش حاجة غلط ودايما بالها مشغول بالتنمية البشرية والمساواة، ولما كانت تتصور بلبس معين وتنزله وبقولها مش عاجبنى اللبس ده وهى كبيرة مقدرش أقولها حاجة، ولكن لما تلاقينى زعلان أوى تروح حذفاها، وكنت ضد إنها تقول خصوصياتها وموضوع الارتباط والانفصال انه يتقال على السوشيال لأن دى حياتى الخاصة".
شريف منير: صلاح جاهين لو عايش كان هيحب ويجز وأنا مع هانى شاكر في منع الكلام الخارج
شريف منير: صلاح جاهين لو عايش كان هيحب ويجز وأنا مع هانى شاكر في منع الكلام الخارج
شريف منير: صلاح جاهين لو عايش كان هيحب ويجز وأنا مع هانى شاكر في منع الكلام الخارج
شريف منير: صلاح جاهين لو عايش كان هيحب ويجز وأنا مع هانى شاكر في منع الكلام الخارج