بعد إحالته للتحقيق .. ماهي رسالة باسم يوسف للسيسي!!

بعد قليل من قرار النائب العام المصري، المستشار هشام بركات، بالتحقيق مع الإعلامي باسم يوسف، بتهمة “تكدير الأمن العام”، نشرت صفحات منسوبة للإعلامي الساخر، عدة تعليقات له، من بينها رسالة موجهة إلى وزير الدفاع، الفريق أول عبدالفتاح السيسي.
وانتقد مقدم “البرنامج” الساخر، الذي استأنف عرضه الجمعة الماضي، في تعليق على صفحة تحمل اسمه بموقع “فيسبوك” التهديدات بملاحقته، في أعقاب تقديم عدد من البلاغات ضده، قائلاً: “ناس كتير بتقول إنها هترفع قواضي على باسم يوسف وتقعده في البيت!!”
وتابع مسؤول الصفحة قائلاً: “رسالة للناس دي.. أصلاً باسم يوسف قال إنه مش إعلامي، ومتوقع أنه يرجع لعمله الطبيعي كدكتور جراح قلب في أي وقت ويسيب الإعلام.. تاني حاجة هو أصلاً من يوم وفاة ولدته ومش عايز حاجة من الدنيا.. بس كفاية أنه ينام كدا بليل وميحسش أنه منافق وبوشين، وكفاية عليه حب الناس الأحرار اللي مع الحق.“
كما تضمنت الصحفة، التي تحمل اسم “باسم يوسف/ CBC”، رسالة موجهة إلى وزير الدفاع المصري، الفريق أول عبد الفتاح السيسي، بخصوص كلمته الشهيرة “مصر هتبأة أد الدنيا”، ولم يتسن لCNN التأكد من مصداقية الرسائل الواردة عبر مواقع التواصل الاجتماعي.
وذكرت الرسالة المنسوبة إلى يوسف: “يا سيادة الفريق.. بحسبة بسيطة.. أنت دلوقتي عندك 59 سنة، ومصر محتاجة 10 سنين بس عشان ترجع زي ما كانت أيام (الرئيس الأسبق حسني) مبارك.. من احترام الناس للقوانين، لانتعاش البنك المركزي، لعودة السياحة، وانتعاش سوق المقاولات… يعنى هيكون عندك تقريبا 70 سنة ساعتها.. ومصر بتحاول ترجع للي كانت (فيه)!!”
وتابعت الرسالة المنسوبة للإعلامي الساخر: “وعشان تبأة أد الدنيا، وهنقول مثلاً إنك هتاخد خطوات سريعة زي البرازيل وتركيا.. محتاج 9 سنين، بس دا شرطه إنك تقضي على الفساد والمحسوبية وتطبق العدل والحرية من دلوقتي.. بالحسبة دي أنت هتوصل 80 سنة ومصر هتكون سنة أولى أد الدنيا.. وزى ماقولنا شرطه أنك تشتغل من دلوقتى فيها.”
وأضافت الرسالة: “لكن لو فضلت البلد زى ماهى ماشية دلوقتي.. مجرد أنك قاعد تسمع لمطبلاتية ومنافقين على قنوات مرتزقة، وفاكر أنك كدا خليت مصر أد الدنيا بعزلك للإخوان.. تبأه غلطان لأن الناس دلوقتي مش قادرة تشترى الطماطم والبطاطس اللى وصلت 10 جنيه.”
واختتمت الرسالة: “الناس لو جاعت مش هتسمع للمنافقين أو هتنافق تاني، ولا حتى هتفتكر لك اللي عملته مع الإخوان وبطولاتك وقتها.. حان وقت العمل يا سيادة الفريق، وفكك من المنافقين، لأن محدش غرق مبارك غير دول.. اللهم بلغت اللهم فا اشهد.”
وكان النائب العام المصري قد أمر، في وقت سابق الاثنين، بإحالة بلاغ يتهم يوسف ب”إذاعة بيانات كاذبة، من شأنها تكدير الأمن العام، وإلحاق الضرر بالمصلحة العامة، وإشاعة الفوضى في البلاد، وإثارة الفتنة، وتهديد تأمن والسلم الاجتماعيين”، إلى نيابة استئناف القاهرة للتحقيق في تلك الاتهامات.