نادي الأصدقاء

الربيع
دايما يا ربيع لما تجينا
يا عبير هفهف خد بإيدينا
ودينا جناين ودينا ....
الوانه بتشهد حوالينا
أحيي من تاني اراضينا
وف يوم الحشر حايجينا
يارب الكون بارك فينا
ايامه ربيع علي طول بينا
يارب احميه دايما لينا
ويعيش بسلام جوا عينينا
بالورد بتزدان أغصانه
يا روح الورد ووجدانه
ونشوف الورد وألوانه
علي قدرة ربنا سبحانه
واخضر شجرنا ف غيطانه
ونفوز بنعيمه ورضوانه
واحفظ وطني وصون بنيانه
واحنا الأزهار في بستانه
ونعيش كلنا في أحضانه
ونعيش كلنا بس عشانه
أحمد جعفر
منوفية
أنبوبة إيه اللي تموت
أنبوبة إيه اللي تموت .... في بلاد الغاز!!
في سباق بلدنا المظلومة .... الفقر أهو فاز
حكومة تيجي ورا حكومة .... من كل طراز
مدخلين الناس كوما .... وهموم الغاز
و100 طابور حير سومة .... والعقل اتغاظ
ملايين وهز الكرتونة .... فوق الهزاز
تدوخ تقوم وتقع تاني .... جوه البرواز
لا حد يرحم أحزاني .... ويراعي معاذ
أنا كنت فاكر بركاني .... يعمل إعجاز
اخرها موت الواد هاني .... يصبح إنجاز؟
يا خلق قولوا مين الجاني .... في هوجة "البوتاجاز"
د.صبري إسماعيل
أنت الغالية
صابرة وطاهرة وقلبك صافي وعندك دين
حقك مش عندي حقك عند اللي خلقني يا نور العين
ما أنت التالية وأنت الدنيا وكل ما فيها
ما أنت ملاكي وأنت الجنة اللي أحلم بيها
* * *
شايفك نجمة تنور لي لما تمر
كاسك مطره بلعت ريقي في عز الحر
ما أنت أصيله وشايف فيكي جمال الكون
ما أنت أميرة وقلبك شايل فيه مجنون
آيه بعتها رب العرش لعبده هدية
من اخلاصك فاض القلب كتير حنيه
ما أنت الملكة فوق الكل مكان ما تروح
ما أنت جميلة وأحلي ما فيكي جمال الروح
* * *
عارفك فرحة تسعد قلب ونفس وروح
كاسك باسم ناوي يداوي اي جروح
ما أنت الطيبة وأنت حبيبة مكان ما تطل
ما أنت بلادي وأم ولادي وست الكل
* * *
عادل محمد قطب الخطيب الفيوم