ثورة الحرية

لما يكون فيه ظلم وباين أصرخ أنا فيه إيه
لما يكون بلدي متداين وفيه ضغوط حواليه
يبقي خيره ف كل مكان وفقير رغم مافيه
لما شبابنا يكد ويتعب وع القهوة تلاقيه
قاعد من غير حتي ما يعرف بكره حيحصل إيه
واللا الأم عايشة تربي وابنها ضحت بيه
لجل بلده والحرية وسلامة أراضيه
طول العمر ظلم وفقر معلش يا عم البيه
احنا أحق الناس ببلادنا والخير اللي ماليه
زي ما تزرع زي متحصد مستني نقولك إيه
إيمان يوسف النجار إسكندرية