ولسَّه العيال في حجر الليالي بتلعب هبل ولسَّاها غاويه مواطن الخبل عنيده وساخطه وناقمه وطاعنه وعايشه ف مفيش لا عارفه معاني لمذنب وجاني وقاسي وحاني ولا حتي عارفه غلاوة الوطن عيال غاويه ترضع قساوه وجحود عيال ناويه تبقي جنود الشرود عيال من عبطها .. بترسم مصيرها في عين الفشل ومهما نصحنا ولومنا وشرحنا .. عقول قافله بابها علي فكر نايم في حضن الخلل في حضن العماله وحضن الخيانه وحضن السفاهة وحضن الغنم عيال لسَّه بدري عشان تمشي صاحيه في عين الصباح عيال تلتقيها مريضه وسقيله وبليده وخبيثه وغاويه النباح عيال من عتامه وخيبه وندامه وبايعه ضميرها في سوق العدم عيال فاقده كل المعاني الأصيلة الشريفة العفيفة النبيلة بتطرح شرور عيال من غباوه وعكس النباهه وفاقده احترامها لذاتها وغيرها / إمامها الغرور يا خيبه قويه لهذا المجاهر بكره الوطن فجاهر وجاهر يا خُن المجاهر نهاية عداوتك في سلة زبالة تدوق المهانة ما بين الوسخ ولا عمر حقدك وعندك وكرهك ما يحرق زمان ولا رش حرفك يبلل مكان فناطح ونابح وأرفس وإحرن في وسط اللي زيَّك قطيع من بقر كفايه عليك تبقي لقمه طريه ياكلها الضياع كفايه عليك تبقي قشَّه هفيَّه في إيد الرياح كفايه عليك تبقي أعظم نتوءه في خد الجمال نتوء مش طبيعي بيحمل في قلبه سموم العقارب / سموم كل حيَّه وكوبرا غبييه ولدغة حَنَش يا واهب شرورك لجدك وعمك وخالك وابوك .. وأمك وأختك وخالتك واخوك يا ولْد المفاسد ونزف الحروف .. حروف طايشه عايشه تدمر وتحرق وتخرب وتوجع زمانك / زماني .. مانك / مكاني يا أكبر أناني في عين الوجود ولو كنت منَّا ومن أصل آدم ومن نسل حوَّا تعالي وراجع كلام الإله وحب الرسول اللي دمعة عيونه مالتنا علام مالتنا محبه وصفح وسلام مالتنا كرامه وعزه ووئام دموع علمتنا يا "مكه" المواطنه وحب الوطن وانا برضه عارف برغم الحروف اللي طلعت سلالم ودخلت وطلعت / وطلعت ودخلت في قلبك كلام هتسمع وتسمع .. وتسمع ما تفهم ولا ناوي تزرع في نفسك رضا وشوف بالأمانه .. خساره النصيحه لزرعه نديَّه في عين الشيطان خساره ان أقولك بكل الصراحه حياتك حرام ..!!