في واقعة مثيرة للجدل، اقتحمت الشرطة العسكرية منزل عمرو عثمان مهاجم فريق المنيا، والمنتقل حديثا لصفوف الإسماعيلي، وألقت القبض عليه، لإجباره على التوقيع لفريق طلائع الجيش، التابع للمؤسسة العسكرية. وقال عثمان (25 عامًا) عبر صفحته علي موقع التواصل الاجتماعي "فيس بوك"، إن قوة من الشرطة العسكرية داهمت منزله وتعدت على حرمة بيته، وقبضت عليه وساومته بين التوقيع للنادي الطلائع أم الحبس، خاصة وأنه لم يؤد الخدمة العسكرية. وكتب عثمان عبر صفحته قائلاً بالنص: "والله الا حصل معايا انا كان عليا خدمه عسكرية طلائع الجيش كليموني قالولي تعالي امضي بالفلوس الا انت عايزها ورفط كليموني اكتر من مرة قالو لو مجيتش هنحبسك.. رافط كمان ان اروح بعتولي شرطة عسكريه المنزل بهدلولي المنزل وعرضت اهلي للخطر اكتر من مرة". وتابع "اتطرت ان اسلم نفسي قالولي هتمضي ولا الحبس وقالو لو مضيت هنخلصلك موضوع الجيش اتطرت ان امضي وانا استحملت كتير علشان اروح الاسماعيلي وقعدت 10 ايام مشفتيش اهلي فيهم كنت خايف اروح المنزل اتمسك وبعد دا كلو المنيا خصمت كل مستحقاتي علشان مبروحش التمارين". وعتب عثمان على إدارة نادي المنيا، لأنها لم تقف إلى جانبه في الأزمة "مفيش حد من مجلس ادراة المنيا اتصل عليا ولا قال عامل ايه...وانا مش عارف هلقيها منين ولا منين بس الحمد لله". وختم قائلاً: "انا اتمني ان العب في نادي الاسماعيلي في اي وقت علشان نادي الاسماعيلي نادي كبير وجمهور محترم وانا موضوعي زي ايمن حفني بالظبط ولو اي حد بكاني هيعمل ايه ....وانا حبيت اوضح الا حصل معايا بالظبط.....والحمد لله علي كل شي". الجدير بالذكر أن تلك الواقعة ليست الأولى التي يقوم بها مسئولو نادي طلائع الجيش لتدعيم صفوف الفريق بلاعبين مميزين دون أي عناء أو تكلفة، فقد تم منذ ثلاثة مواسم أيضًا القبض على أيمن حفني، لاعب وسط مصر المقاصة السابق والطلائع الجيش وإيداعه السجن، وتمت مساومته أيضًا بالسجن أو اللعب في صفوف الفريق. شاهد الصور:
