«إحنا بنعشق الهري».. شوبير يسخر من أنباء انتقال وسام أبو علي ل الزمالك

سخر الإعلامي أحمد شوبير، من أنباء انتقال وسام أبوعلي، مهاجم الأهلي السابق والمنتقل حديثًا إلى نادي كولومبوس كرو الأمريكي، إلى نادي الزمالك.
يأتي هذا بعد انتشار تقاريرًا تفيد بوجود أزمة ل وسام أبوعلي، تخص القيد في ناديه الجديد، إثر بعض القيود بنظام الدوري الأمريكي.
وقال شوبير عبر إذاعة «أون سبورت إف إم»: «إحنا بنعشق الهري، أنا آسف بس هي متتقالش غير كدة، وسام أبوعلي راجع على بيراميدز، لا يا راجل ده راجع على الزمالك، ده رصدوا 10 و12 مليون وهياخد في السنة 3 مليون، إحنا بنتكلم في الدولارات، ف حاجة صعبة جدًا يعني».
وأضاف: «هو هيروح بتأشيرة عمل مش تأشيرة سياحة. كابتن زكي عبدالفتاح وضح لنا، وقال كل فريق له 3 لاعبين استثناء في الدوري الأمريكي، فوق ال3 مليون دولار، ياخد 10 ياخد 12».
وأكمل: «هنا النظام على الجميع، والباقي بيكون في لاعيبة بتاخد 100 ألف دولار وأقل كمان، فبالنسبة لقيد وسام أبوعلى، مفيش في مشكلة، لأنه من ال3 اللي يتم استثنائهم».
وتابع: «وتأشيرته تأشيرة عمل في الطريق للاستخراج، خلال أيام ستنتهي ويكون موجود مع الفريق، وميكونش في مشكلة لانتقاله إلى كولومبوس كرو».