شاهيناز تطرح أحدث أغانيها بعنوان «ماما» (فيديو)

طرحت المطربة شاهيناز أحدث أعمالها الغنائية بعنوان «ماما» عبر موقع الفيديوهات «يوتيوب» وجميع المنصات الموسيقية الرقمية، ولاقت الأغنية تفاعلًا واسعًا، حيث حققت نسب مشاهدة واستماع مرتفعة خلال ساعات قليلة من طرحها.
أغنية «ماما» من كلمات وألحان ماجد شاكر، توزيع آدم حسين.
وتُعد «ماما» استكمالًا لمسيرة شاهيناز الغنائية التي شهدت في الفترة الأخيرة طرح عدة أغانٍ مميزة، منها: «حباني»، «برد يناير»، «علّمني الشقاوة»، «كده فل»، «مصرية»، «دندنة»، «قلبي بيدلع»، و«لو ناسيين أفكركوا» التي جمعتها بالفنان محمد رمضان، بالإضافة إلى تتر مسلسل «بنات همام» بعنوان «علي المكشوف».
كلمات أغنية «ماما» ل شاهيناز:
يا ماما يا ماما يا ماما بحبه موت
يا ماما يا ماما يا ماما بدوب فيه موت
الواد اللي مجنني، بعينه شاغلني، ونفسي أطلع عينه
بحبه، وهو زمان كان فين؟ بحبه موت
الواد أبوضحكة تخلّي عيني تدمع لو مليون حوالي
أهو طول الوقت يعاكس فيّ، بدوب فيه موت
ما تقولّي عايز إيه؟ ما تقولّي غرضك إيه؟
ما تدخل البيت من بابه
ده الصح اللي اتقال عليه، واللي الناس كلها عملت بيه
والحب واحد من أسبابه
وياما يا ماما يا ماما بحبه موت
يا ماما يا ماما يا ماما بدوب فيه موت
بيقول للناس إني بحبه، ودايبة في قلبه، ودايبة في حبه
كده كسفني وكان لازم أصده، زعلني موت
واتاريه بيعرف كل أحبابي إنه قريب، وهيقف على بالي
كده ظلمني، وكان لازم آخد بالي، مكسوفة موت
ما تقولّي مستني إيه؟ طب أنا مكسوفة، إنت ساكت ليه؟
عايزني أقولها؟ هاقولها لك
أنا بحبك يا ابن الآية، وإنت قلبي اللي شاور عليه
سامعها؟ ولا أعيدها لك؟
ويا ماما يا ماما يا ماما بحبه موت
يا ماما يا ماما يا ماما بدوب فيه موت