صفوة: «بلبس نقاب وعباية بعد ما أخلص شغل وبروح أصلي في الحسين»

حلت الفنانة صفوة ضيفة على برنامج «أوضة ضلمة»، الذي تقدمه الإعلامية إنجي هشام، على شاشة قناة «هي» طوال شهر رمضان.
وقالت صفوة خلال لقائها: «لما بخلص الشغل بلبس نقاب وعباية طويلة وأشيل المانكير وأروح الحسين أقعد كتير مبصليش وأمشي وأتكلم مع ربنا، لو ربنا مش واقف معايا كان زماني هبقى قعيدة الصدمة دي أثرت عليا».
وتابعت صفوة:«بندم على حاجات كتير ندمت على عمل كنت مش عايزه أعمله وأما اتعمل واتعرض ندمت ندم عمري أني معملتوش، ودور كان في مسلسل لعمرو سعد ودور تاني كان السنة دي في مسلسل الأميرة ل ياسمين صبري بعد ما رفضت ندمت لأنه كان حلو».
وأضافت «صفوة»: «مافيش حاجة اسمها سينما نظيفة أو مش نظيفة، مش مؤمنة بالكلام ده».