«بموت يا عماد».. نشوى مصطفى توجه رسالة إلى زوجها الراحل بكلمات مؤثرة

بعبارات وكلمات مؤثرة، وجهت الفنانة نشوى مصطفى، رسالة حزينة إلى زوجها الراحل، والتي وصفت خلالها مشوار حياتهما معًا خلال 33 عامًا من الزواج.
ووجهت نشوى، رسالة لزوجها الراحل، عبر حسابها على موقع التواصل الاجتماعي «فيس بوك» قائلة: «سترتنى ربنا يسترك ..أكرمتنى ربنا يكرمك ..سيبت لى اجمل هدية ولادنا ربنا يهاديك بالفردوس الأعلى .. 33 سنة ستر وكرم ومحبة ومودة ورحمة ..علمتنى إزاي أكون من المتصدقين ..علمتنى إزاي اكون دايماً فى معية الله ..علمتنى إزاي تكون عزة النفس .. علمتنى إزاي أتسامح حتى مع اللي أذانى ..علمتنى إزاي اتوكل على الله فى كل شئونى .. علمتنى إزاي اكرم ضيفى .. علمتنى معنى التواضع مع عباد الله الضعفاء .. يانبيل الأخلاق ياابن الاصل العالى .. نسيت تعلمنى إزاي أقدر أعيش من غير وجودك».
وأضافت: «33 سنة مبعدناش عن بعض لحظة.. 33 سنة ذكريات وحياة بحلوها ومرها.. 33 سنة كنت خير زوج وخير أب.. 33 سنة أكرمتنى وسترتنى وجبرت خاطرى وربيت عيالنا أحسن تربية .. ليه ياعماد سيبتنى لوحدى كده - ماأستاهلش منك تسيبنى لوحدى ده أنا مبعرفش أعمل حاجة فى الدنيا .. أنت اللي كنت بتعمل لنا كل حاجة.. انت اللي سندتنى فى كل ظروف حياتى الصعبة.. فى شدتى وفى مرضى شيلتنى وطبطبت عليا - ياااااه على غلاوتك ياعشرة عمرى .. يااااااه على غلاوتك ياأبويا وأخويا وحبيبى وجوزى وابنى.. باموت ياعماد.. باموت وأنت مش قدام عيني.. حاكمل إزاي يارب من غيره» مطالبة له بالدعوة: «ادعو له بالرحمة وادعولى بالصبر ».وادعو لولادى بالصبر والثبات».
اقرأ أيضا..
بالصور.. انهيار الفنانة نشوى مصطفى في جنازة زوجها