حقيقة منع نجم الأهلي الشاب من دخول النادي بعد مفاوضاته مع الزمالك

كشف الإعلامي أحمد شوبير حارس مرمى الأهلي ومنتخب مصر السابق كواليس الأزمة الدائرة حول مهاجم الأهلي الشاب محمد رأفت وحقيقة مفاوضاته مع الزمالك ورحيله عن القلعة الحمراء.
وقال أحمد شوبير في تصريحات إذاعية: «من إمبارح كده فيه قصة منتشرة عن لاعب شاب في الأهلي اسمه محمد رأفت مهاجم فريق 2005 في النادي الأهلي، الولد اتردد كلام إنه بيتفاوض مع نادي الزمالك وإن عقده بينتهي بنهاية الموسم، ولما سألنا الأهلي قالوا إن عقد اللاعب بينتهي بنهاية عام 2027 لكن والده بيقول إن عقده بينتهي بنهاية الموسم الجاري».
اقرأ أيضًا: شوبير يكشف موقف صلاح من التجديد مع ليفربول ويفجّر مفاجأة بشأن مستقبله
وأوضح أحمد شوبير: «وطلع كلام إن الأهلي اتخذ عقوبات ضد اللاعب ومنعه من دخول النادي وما عرفناه إن مفيش حاجة من دي وإن اللاعب بتدرب مع فريق شباب الأهلي عادي قد يكون والده اتمنع من دخول النادي عشان الأهلي ما بيحبش البلبلة ولا أي حاجة تؤثر بالسلب على الفريق وعلى استقرار لاعبيه».
وتابع شوبير: «لما سألنا المسؤولين في الأهلي قالوا محمد رأفت لاعب مميز وسنبحث ما هو في صالح الأهلي واللاعب بخصوص مستقبله وممكن نجهز له عقود جديدة لكن الولد بيتدرب بشكل طبيعي ولم يتم منعه من دخول النادي».
وأضاف شوبير: «هنا عايز أقف عند نقطة مهمة، مش كل ولي أمر يتدخل في موضوع ابنه، والله مش حلوة ومش ناجحة أنت لو وكيل الأعمال أضرب لك تعظيم سلام زي نيمار مثلا أبوه وكيل أعماله، إنما أنت لو مش وكيل أعمال ما تخلي الناس المحترفين هما اللي يشتغلوها».