اتكتبت في 5 ساعات.. أكرم حسني يكشف كواليس أغنية «تيجي نسيب» (فيديو)

كشف الفنان أكرم حسني كواليس أغنية «تيجي نسيب» التي غنتها الفنانة أنغام مؤخرًا.
وعبر الفنان أكرم حسني، على حسابه على «انستجرام» كشف الفنان أكرم حسني قصة كتابة الأغنية حيث كتب نصا:«يوم الثلاثاء 2 نوفمبر 2021 الساعة أربعة الفجر: قام إيهاب عبدالواحد عشان يمشي بعد سهرة طويلة عندي في البيت إيهاب مسابش فيها الجيتار من ايده هو بيغني وكلنا بنغني معاه».
وتابع: «بعد ما كله مشي جاتلي فكرة أغنية» تيجي نسيب «فكتبتها وخلصتها على الساعة ستة الصبح، وهموت وأكلم ايهاب عشان يجيلي يسمعها ويلحنها بس مكسوف أكلمه.. الراجل لسه ماشي من عندي من ساعتين واكيد ملحقش ينام الساعة سبعة صباحا بعد ما قدرت امسك نفسي لمدة ساعة كاملة اتصلت بيه».
وتابع: «الساعة تسعة ايهاب وصل أنا بوب أنا كتبت أغنية فرحان بيها اوي ايهاب: طب مش كنت بتسألني قهوتي ايه؟ أنا ( بتجاهل ): بص يا بوب الأغنية بتقول:«تيجي نسيب.. تيجي نجيبها في النصيب.. تيجي نقول محناش لبعض ويبقي بعد تغيب وأغيب»، ايهاب ( باندهاش ): مين اللي كاتب الكلام ده؟، قلت له :أنا، فقال لي: أنا قهوتي سادة ».
وأردف:«من الساعة تسعة للساعة اتناشر ايهاب مبيعملش حاجة غير انه ماسك الجيتار وعمال يجرب جمل لحنية في دماغه ويطلب قهوة سادةلساعة اتناشر وعشر دقايق كان خلص اللحن وبيسجله ( بصوا الساعة اللي ورا عشان تتأكدوا ) ومكانش يعرف أني لما قولتله وهو ماشي الفجر عايزين نكررها قريب أنها هتبقي قريب أوي كده».
واستطرد: «الأغنية راحت للموزع الكبير صاحب اللمسات السحرية حسن الشافعي عشان يحط بصمته عليها وتطلع بالشكل اللي انتوا سمعتوه».
واختتم كلامه قائلًا:«الأغنية تيجي نسيب اتكتبت واتلحنت في خمس ساعات واستهلكت نص كيلو بن وسط محوج، بس عشان طالعة من القلب ولحنها ملحن عبقري بيحس بكل كلمة ويترجمها للحن ربنا كرمنا بأن اللي يغنيها تبقي فنانة معجونة إحساس وفن وحلاوة صوت وحضور طاغي ومكانة كبيرة في قلوب جمهورها في كل حتة في الوطن العربي.. أنغام».
عرض هذا المنشور على Instagram
‏تمت مشاركة منشور بواسطة ‏Akram Hosny‏ (@‏akramhosny‏)‏